Дата правядзення
Час правядзення
Месца правядзення
23 лістапада ў галерэі “Атрыум” у рамках Дзён расійскай культуры ў Рэспубліцы Беларусь адбылося ўрачыстае адкрыццё выставы графікі Сяргея Алімава “«Мёртвые души»: ілюстрацыі да паэмы М.В. Гогаля”.
Сяргей Аляксандравіч Алімаў (1938–2019) – народны мастак Расійскай Федэрацыі, правадзейны член Расійскай акадэміі мастацтваў, прафесар УДІКа, член Расійскай акадэміі кінематаграфічных мастацтваў. Мастак-пастаноўшчык, мастак-мультыплікатар, аўтар ілюстрацый больш чым да 100 кніг, у шэрагу якіх “Господа Головлёвы” М.Е. Салтыкова-Шчадрына, “Прыгоды барона Мюнхгаўзэна” Р.Э. Распэ і, вядома ж, “Мёртвые души” М.В. Гогаля.
Выставачны праект прадставіць гледачам серыю з 40 графічных работ Сяргея Алімава, выкананых у тэхніцы шаўкаграфіі. Выставу графікі дапоўніць кніжная экспазіцыя з фондаў Нацыянальнай бібліятэкі Беларусі. Будуць прадстаўлены першыя выданні паэмы “Похождения Чичикова, или Мёртвые души” (1842, 1846), першыя ілюстраваныя выданні твора. Адзін з самых яркіх асобнікаў – фаліянт 1901 года Пецярбургскага выдавецтва А.Ф. Маркса з 10 геліягравюрамі, 355 ілюстрацыямі, ініцыяламі і віньеткамі.
У рамках мерапрыемства адбудзецца перадача Нацыянальнай бібліятэцы Беларусі выданняў ад Расійскага фонду культуры.
Выстава арганізавана Нацыянальнай бібліятэкай Беларусі, Расійскім фондам культуры і Рускім домам у Мінску.
Азнаёміцца з экспазіцыяй можна да 31 студзеня 2023 года.
Дата яе заканчэння можа быць зменена.
Уваход – па чытацкім білеце або білеце сацыякультурнага цэнтра.
Тэлефоны: (8 017) 293 27 56 (для СМІ), 368 37 37 (для даведак).
Матэрыял пададзены аддзелам сувязей з грамадскасцю.