Дата правядзення
Час правядзення
Месца правядзення
З 2 ліпеня па 4 верасня ў зале беларускай літаратуры (пам. 205) праходзіць кніжная выстаўка “Беларусь. 1941–1945: Подзвіг. Трагедыя. Памяць”, прымеркаваная да Дня Незалежнасці Рэспублікі Беларусь.
Тэма Вялікай Айчыннай вайны болем адгукаецца ў душы кожнага жыхара Беларусі. Наша краіна ў ліку першых падверглася нападзенню ворага і стала арэнай вялікіх баявых дзеянняў. Перамога над ворагам была дасягнута цаной вялікіх ахвяр. Злачынствы акупантаў па жорсткасці і масавасці не мелі роўных у навейшай гісторыі Беларусі. Захопнікі спалілі, разбурылі і разрабавалі 209 з 270 гарадоў і раённых цэнтраў, 9 200 вёсак. Загінула каля трох мільёнаў чалавек.
У экспазіцыі прадстаўлены публіцыстычныя, дакуменальныя, архіўныя матэрыялы, успаміны ветэранаў, вязняў канцэнтрацыйных лагераў, мастацкая літаратура – творы беларускіх пісьменнікаў пра ваеннае ліхалецце. Пераважная большасць экспануемых дакументаў – выданні апошніх гадоў.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 16.
Матэрыял пададзены аддзелам абслугоўвання спецыялізаванымі фондамі.