ГалоўнаяМерапрыемствыГісторыі пішуць экслібрысы
Вяртанне да вытокаў: аграэкатурызм у Беларусі (+ відэа)
Экалогія: права на бяспечнае жыццё

Гісторыі пішуць экслібрысы

Гісторыі пішуць экслібрысы
Іншыя мерапрыемствы
18 мая – 18 чэрвеня
Дата правядзення
10.00–18.00
Час правядзення
Музей кнігі (пам 347)
Месца правядзення

Да Міжнароднага дня музеяў у бібліятэцы адкрылася выстава “Гісторыі пішуць экслібрысы”, якая з’яўляецца вынікам творчага эксперыменту, падчас якога юныя мастакі атрымалі магчымасць стаць сапраўднымі музейнымі куратарамі і дызайнерамі.

Дзецям было прапанавана самастойна стварыць экспазіцыю ў музеі кнігі. Увесь працэс ад нараджэння ідэі выставы (канцэпцыі), адбору матэрыялу, этыкетажу (надпісаў) да мантажу і дызайну афішы быў выкананы юнымі мастакамі.

Экспанатамі сталі экслібрысы (кніжныя знакі), створаныя ўдзельнікамі творчай майстэрні “Залаты птах” пад кіраўніцтвам Юліі Шаціла. Мастацкія творы зроблены ў тэхніцы лінагравюры і прадстаўлены на выставе разам з арыгінальнымі клішэ на лінолеуме.

Назву для выставы – “Гісторыі пішуць экслібрысы” – прыдумалі самі дзеці, як і афішу да яе. Увазе наведвальнікаў юныя музейнікі прапанавалі дзесяць гісторый, якія распавялі праз экслібрысы. Аповеды кранаюць сваёй фантазіяй і шчырымі пачуццямі. Яны пра вечнае кола жыцця і дружбу, узаемаадносіны фантастычных і рэальных персанажаў, пра жаданні і мары, пошукі свайго шляху і шмат што іншае.

Працэс стварэння выставачнага праекта атрымаўся настолькі каштоўным і цікавым, што пазнаёміцца з ім лічым абавязковым, а для гэтага прапануем відэапрэзентацыю музейнага эксперыменту:

Экспазіцыя будзе працаваць у музеі кнігі (пам. 347) да 18 чэрвеня 2021 г.
Дата яе завяршэння можа быць зменена.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 25 85.

Матэрыял пададзены навукова-даследчым аддзелам кнігазнаўства.

Мерапрыемствы

Асветніца з роду Усяслава

16.07.2021

З 16 ліпеня па 31 жніўня запрашаем наведаць выстаўку “Асветніца з роду Усяслава”, прымеркаваную да 920-годдзя з дня нараджэння беларускай асветніцы Еўфрасінні Полацкай і 860-годдзя стварэння крыжа святой Еўфрасінні.

Лёс наканаваны з нябёс

22.07.2021

З 22 ліпеня па 22 верасня ў зале нотных і аўдыявізуальных дакументаў (пам. 305) праходзіць выстава “Лёс наканаваны з нябёс”, прысвечаная 75-годдзю беларускага кампазітара і педагога Ганны Маратаўны Казловай.

Адкрывальнік і летапісец сівой даўніны

21.07.2021

Да 60-годдзя беларускага гісторыка і пісьменніка Вітаўта Чаропкі ў зале беларускай літаратуры (пам. 205) з 21 ліпеня па 31 жніўня праходзіць выстаўка “Адкрывальнік і летапісец сівой даўніны”.

Толькі на адзін тыдзень у Мінску адкрылася ўнікальная выстава “Ян Баршчэўскі, які любіў Бога, прыроду і людзей” (+відэа)

22.07.2021

22 ліпеня ў музеі кнігі Нацыянальнай бібліятэкі Беларусі адкрылася выстава “Ян Баршчэўскі, які любіў Бога, прыроду і людзей”. На ёй упершыню будуць разам прадстаўлены аўтэнтычныя сведчанні пра знакамітага пісьменніка, аднаго з пачынальнікаў новай беларускай літаратуры.



Бібліятэкарам