Дата правядзення
Час правядзення
Месца правядзення
Кошт наведвання
Запрашаем 10 красавіка дзяцей і бацькоў на музейная заняткі “Часопісы? Вельмі цікава!”. Госцем сустрэчы стане выданне для дзяцей “Дуду”. Займальнае паглыбленне ў часопісы забяспечана!
Што мы ведаем пра часопісы (журналы)? Аказваецца, яны такія розныя і іх так шмат! Ёсць школьныя журналы, дзе настаўнікі выстаўляюць адзнакі. Ёсць часопісы, якія можна выпісаць на пошце ці купіць у кіёску. У чым іх адрозненне ад кнігі, газеты і інтэрнэт-часопіса? Усе гэтыя пытанні абмяркуем разам на занятках.
Ідэя стварэння часопіса ўзнікла ў Францыі. Адным з першых навуковых часопісаў стаў “Journal des savants”, які выдаваўся ў Парыжы з 1665 года. Удзельнікі заняткаў абавязкова яго ўбачаць, бо некаторыя нумары захоўваюцца ў фондзе Нацыянальнай бібліятэкі.
Удзельнікі мерапрыемства пазнаёмяцца з сучасным часопісам для дзяцей “Дуду”. Іх чакаюць інтэрактыўныя гульні, цікавыя заданні і нават песні.
Сустрэча арганізавана ў рамках праекта “Клуб кніжных прафесараў” і разлічана на дзяцей 5–12 гадоў.
Тэлефоны для запісу і даведак: (8 044) 579 39 07, (8 017) 293 27 82.
Матэрыял пададзены навукова-даследчым аддзелам кнігазнаўства.