ГалоўнаяМерапрыемствыМузычнай страфы паэтка
Казахская літаратура папоўніць фонды Нацыянальнай бібліятэкі Беларусі
“Цікава пачытаць”: заняткі па кнізе “Дзіўнае падарожжа труса Эдварда”

Музычнай страфы паэтка

Музычнай страфы паэтка
Іншыя мерапрыемствы
17 лютага – 31 сакавіка
Дата правядзення
10.00–21.00
Час правядзення
пам. 305
Месца правядзення

З 17 лютага па 31 сакавіка ў зале нотных і аўдыявізуальных дакументаў (пам. 305) праходзіць выстава “Музычнай страфы паэтка”, прысвечаная 70-годдзю беларускага кампазітара Галіны Канстанцінаўны Гарэлавай.

Галіна Гарэлава – адзін з прызнаных майстроў сучаснай беларускай кампазітарскай школы, яркі прадстаўнік неарамантызму.

Галоўнае месца ў творчасці кампазітара займае камерная музыка. Гэта сюіта для фартэпіяна “Фея бэзу”, “Вячэрні альбом”, Саната для кларнета сола “Дотыкі”, сачыненні для флейты “Да ўзлятаючай птушкі”, “Яна ў бязлюддзі грушавага саду...”, “Пастараль”. Назвы сваім сачыненням кампазітар часта дае, выкарыстоўваючы асобныя паэтычныя радкі або звяртаючыся да сферы жывапісу, што надае кампазіцыям непаўторную вытанчанасць і загадкавасць (“Малюнкі на грэчаскай вазе” для дзвюх арф, “Два пано Анры Маціса” для віяланчэлі і інш.).

Галіна Гарэлава – аўтар канцэртаў для скрыпкі, габоя, балалайкі, трубы, гітары, трамбона. У творчай спадчыне кампазітара – харавыя і вакальныя цыклы, прыкладная музыка да тэле- і радыёспектакляў, а таксама музыка для дзяцей. Сачыненні Галіны Канстанцінаўны часта гучаць на міжнародных фестывалях і конкурсах.

У 2016 г. у Беларускай філармоніі выконваўся яе твор “Дыялог з захадам” для кельцкай арфы і 22-х бакалаў, напоўненых дажджавой вадой.

На выставе экспануюцца зборнікі п’ес для фартэпіяна “Ціхая музыка для Роберта”, “Альбом да Каляд”, “Нотны мурашнік”, для гітары “Два зімовыя эстампы”, для кларнета і фартэпіяна “Сцяжынка ў высокай траве” і іншыя, а таксама аўдыядакументы, сярод якіх “Успаміны пра Нясвіж”, “Траецкія Фрэскі”, “Канцэрт для гітары, струнных і званоў”.

Дапаўняюць экспазіцыю кнігі і артыкулы з перыядычных выданняў пра жыццё і творчасць майстра.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 52.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Літаратурная бязмежнасць

02.04.2021

2 красавіка ў нашай краіне адзначаецца Дзень яднання народаў Беларусі і Расіі. Да гэтага дня ў Нацыянальнай бібліятэцы адкрылася выстаўка “Літаратурная бязмежнасць”.

Канстытуцыя Рэчы Паспалітай ад 3 мая 1791 г.

02.04.2021

З 2 красавіка па 16 мая ў зале прававой інфармацыі (пам. 207b) адкрыта тэматычная выстава “Канстытуцыя Рэчы Паспалітай ад 3 мая 1791 г.”, прысвечаная 230-годдзю з дня прыняцця.

Выстава “На здароўе!”

01.04.2021

З 1 па 23 красавіка запрашаем усіх на выстаўку пад назвай “На здароўе!”, арганізавануюў чытальнай зале аддзела міжбібліятэчнага абанемента і дастаўкі дакументаў (пам. 164).



Бібліятэкарам
111