Дата правядзення
Час правядзення
Месца правядзення
У рамках XXVIII Мінскай міжнароднай кніжнай выставы-кірмашу 19 лютага адбудзецца ўрачыстая цырымонія перадачы кніг дэлегацыяй Рэспублікі Казахстан у дар Нацыянальнай бібліятэцы Беларусі.
Калекцыя кніг пакажа беларускаму чытачу Казахстан ва ўсёй яго разнастайнасці: шматвяковую гісторыю, сучаснае жыццё, культурныя дасягненні, багатыя нацыянальныя традыцыі.
У мерапрыемстве возьмуць удзел Надзвычайны і Паўнамоцны Пасол Рэспублікі Казахстан у Рэспубліцы Беларусь Бейсенбаеў Аскар Асанавіч, генеральны дырэктар Нацыянальнай акадэмічнай бібліятэкі Рэспублікі Казахстан у горадзе Нур-Султан Муналбаева Умітхан Даўрэнбекаўна, прадстаўнікі навуковай і творчай інтэлігенцыі, дырэктары абласных бібліятэк Казахстана.
У рамках цырымоніі запланавана падпісанне пагаднення аб супрацоўніцтве паміж Нацыянальнай бібліятэкай Беларусі і Нацыянальнай акадэмічнай бібліятэкай Рэспублікі Казахстан у горадзе Нур-Султан.
Цырымонія пачнецца ў 14.00 у атрыуме 2-га паверха.
Тэлефон для даведак: (8 017) 293 27 67.
Е-mail: pr@nlb.by
Матэрыял пададзены аддзелам сувязей з грамадскасцю.
