Дата правядзення
Час правядзення
Месца правядзення
Кошт наведвання
Запрашаем 27 лютага дзяцей і іх бацькоў на музейныя заняткі“Беларускі Напалеон”, прымеркаваныя да дня нараджэння знакамітага мастака Напалеона Орды.
Як выглядала Беларусь у дафатаграфічную эпоху? Хто стварыў сотні малюнкаў архітэктурных помнікаў, відаў сядзіб і гарадоў, якія застаюцца адной з найбольш каштоўных візуальных крыніц па нацыянальнай гісторыі?
Удзельнікі заняткаў даведаюцца шмат цікавага аб жыццёвым і творчым шляху Напалеона Орды. Дзеці ўбачаць арыгінальныя літаграфіі 1873–1883 гадоў, створаныя па яго малюнках, а таксама самі змогуць пабываць у ролі мастакоў і адправяцца ў займальнае падарожжа па гістарычных мясцінах Беларусі.
Экспертам заняткаў выступіць вядомы кнігазнаўца і культуролаг Алесь Суша, які прэзентуе кніжную навінку – унікальны альбом “Напалеон Орда”. У альбоме прадстаўлены 190 гравюр з фонду Нацыянальнай бібліятэкі Беларусі.
Заняткі арганізаваны ў рамках праекта “Клуб кніжных прафесараў” і разлічаны на дзяцей 6–14 гадоў.
Тэлефоны для запісу і даведак: (8 044) 579 39 07, (8 017) 293 27 82.
Матэрыял пададзены навукова-даследчым аддзелам кнігазнаўства.
