ГалоўнаяМерапрыемствы“Украінская Касандра”: кніжная выстаўка, прысвечаная творчасці Лесі Украінкі
Крылы творчага натхнення
Размова з адвакатам аб захаванні інтарэсаў непаўналетніх пры разводзе і падзеле маёмасці

“Украінская Касандра”: кніжная выстаўка, прысвечаная творчасці Лесі Украінкі

“Украінская Касандра”: кніжная выстаўка, прысвечаная творчасці  Лесі Украінкі
Іншыя мерапрыемствы
13 лютага – 9 жніўня
Дата правядзення
10.00–20.00
Час правядзення
кальцавы калідор (3-гі паверх)
Месца правядзення

25 лютага спаўняецца 149 год з дня нараджэння Ларысы Пятроўны Косач-Квiткі, вядомай ва ўсім свеце як Леся Украінка, адной з найвыбітнейшых асоб украінскай культуры.

Выключнае значэнне яе творчасці заключаецца ў тым, што яна ўзбагаціла новымі тэмамі і матывамі славеснасць свайго народа, увяла ва ўкраінскую паэзію гекзаметр, верлібр, пяцістопны ямб і сюжэты сусветнай літаратуры. Леся Украінка не проста вывела ўкраінскую літаратуру на новы ўзровень, яна таксама стаяла ў авангардзе нацыянальнага руху. Усё сваё жыццё паэтка прысвяціла справе палітычнага, культурнага і сацыяльнага вызвалення Украіны. Пры гэтым падкрэслівала, што свабода – гэта тое, што здабываецца толькі ўласнымі сіламі. І гэтыя словы былі прароцкімі.

Леся Украінка пражыла ўсяго 42 гады. Пераадольваючы жыццёвыя цяжкасці, трагічнае каханне і смяротную хваробу, яна ніколі не скаралася і засталася ў свядомасці ўкраінцаў сімвалам нязломнасці і барацьбы.

На выстаўцы прадстаўлена каля 50 дакументаў, якія адлюстроўваюць багатую спадчыну Лесі Украінкі. Паказаны поўныя зборы твораў, публіцыстыка і лісты, успаміны сучаснікаў, літаратурна-біяграфічныя партрэты. Наведвальнікі могуць пабачыць выданні твораў паэткі 1920–1940-х гг. з фондаў Нацыянальнай бібліятэкі Беларусі.

Каштоўным выданнем для даследчыкаў творчасці з’яўляецца кніга “Лариса Петрівна Косач-Квітка (Леся Українка): біографічні матеріали, спогади, іконографія” (2015 г.), якая складаецца з арыгінальных тэкстаў Лесі Украінкі, успамінаў, артыкулаў і фотаздымкаў. Большая частка кнігі – успаміны і лісты Ізідоры Косач-Барысавай, сястры Лесі, спадчына якой ніколі не выдавалася. Раздзел "Іканаграфія" змяшчае невядомыя дакументы з прыватных архіваў.

У экспазіцыі паказана і музычная спадчына выдатнай украінкі: копіі нотных запісаў песень, створаных на вершы Лесі Украінкі, і зборнік народных украінскіх песень, запісаных з яе голасу.


Выстаўка працуе з 13 лютага да 9 жніўня 2020 г. на кальцавым калідоры 3-га паверха.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: 8 (017) 293 29 80.

Матэрыял прадастаўлены аддзелам галерэйна-выставачнай дзейнасці.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.

Размова з адвакатам аб куплі-продажы нерухомасці

15.10.2020

23 кастрычніка запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Пяшчотная, мілая, добрая

13.10.2020

З 13 кастрычніка па 30 лістапада ў бібліятэцы (2-гі паверх, кальцавы калідор) арганізавана выстаўка “Пяшчотная, мілая, добрая”, прымеркаваная да Дня маці (14 кастрычніка).



111