ГалоўнаяМерапрыемствыКрылы творчага натхнення
"Лепшыя кнігі Беларусі": выстаўка па выніках LIХ Нацыянальнага конкурсу "Мастацтва кнігі"
“Украінская Касандра”: кніжная выстаўка, прысвечаная творчасці Лесі Украінкі

Крылы творчага натхнення

Крылы творчага натхнення
Іншыя мерапрыемствы
15 лютага – 5 красавіка
Дата правядзення
10.00–21.00
Час правядзення
пам. 205
Месца правядзення

З 15 лютага па 5 красавіка ў зале беларускай літаратуры (пам. 205) праходзіць выстаўка “Крылы творчага натхнення”, прымеркаваная да 95-годдзя з дня нараджэння народнага пісьменніка Беларусі Івана Якаўлевіча Навуменкі (1925–2006).

У творчай асобе Івана Навуменкі паядналіся, сумясціліся два таленты – пісьменніка і даследчыка літаратуры. Няпроста сказаць, які з гэтых талентаў больш важкі, вызначальны, паколькі і празаічная спадчына, і плён навуковых пошукаў пазначаны “пячаткай майстра”.

Для прозы Івана Навуменкі характэрны ў значнай ступені аўтабіяграфізм. Лірычная пранікнёнасць пачуцця і даверлівасць інтанацыі, псіхалагічная дакладнасць учынкаў герояў, праўдзівасць дэталей і мастацкіх абагульненняў – адметныя рысы творчасці пісьменніка.

Сярод іншых на экспазіцыйных паліцах – першая кніга Івана Якаўлевіча “Семнаццатай вясной” (1957), трылогія “Сасна пры дарозе”, “Вецер ў соснах”, “Сорак трэці”, раманы “Асеннія мелодыі”, “Смутак белых начэй”, “Летуценнік”, кнігі аповесцей і апавяданняў, а таксама зборы твораў і выбраныя творы пісьменніка.

Іван Навуменка – пясняр юнацтва, выдатна пісаў пра дзяцей і для дзяцей. Цудоўна адчуваў свайго юнага чытача, ведаў, як і якія струны закрануць у яго душы, чым зацікавіць яго ўяўленне. “Вайна каля Цітавай копанкі”, “Год карася”, “Хатняе зайчанё” і іншыя дзіцячыя кнігі пісьменніка – да ўвагі наведвальнікаў.

Творы Івана Якаўлевіча на розных мовах свету складаюць асобную частку экспазіцыі.

Прадстаўлены на выстаўцы і даследчыя матэрыялы І. Навуменкі, прысвечаныя творчасці Я. Купалы, Я. Коласа, З. Бядулі, М. Багдановіча, К. Чорнага і іншых беларускіх пісьменнікаў.

Дапаўняе экспазіцыю літаратура пра жыццёвы і творчы шлях І.Я. Навуменкі.


Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Сугучча

22.10.2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Рэстаўрацыйная майстэрня

27.10.2020

28 кастрычніка ў бібліятэцы адбудуцца заняткі для дзетак “Рэстаўрацыйная майстэрня” ў рамках “Клуба кніжных прафесараў”.

Бібліятэка – дом, дзе жывуць кнігі

23.10.2020

У Нацыянальнай бібліятэцы Беларусі стартуе новы сезон “Клуба кніжных прафесараў”. Запрашаем дзетак і іх бацькоў запісацца на першы курс музейных заняткаў па вывучэнні кніжнай культуры.

Скарыназнаўства ў Францыі

21.10.2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Агульная будучыня агульнымі сіламі

16.10.2020

З 16 кастрычніка па 11 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і дабрабыту народаў”, прысвечаная 75-годдзю Арганізацыі Аб’яднаных Нацый.



111