ГалоўнаяМерапрыемствыШлях да Канстытуцыі: як ствараўся галоўны закон дзяржавы
Слова і пазаслоўнае
Праект “На хвалі часу, у плыні жыцця”: да 100-годдзя літаб’яднання “Маладняк”

Шлях да Канстытуцыі: як ствараўся галоўны закон дзяржавы

Шлях да Канстытуцыі: як ствараўся галоўны закон дзяржавы
Іншыя мерапрыемствы
13 сакавіка – 14 сакавіка
Дата правядзення
музей кнігі (пам. 347)
Месца правядзення

13 сакавіка ў бібліятэцы ладзіцца адкрыццё выстаўкі “Шлях да Канстытуцыі”, на якой будуць прадстаўлены ўсе канстытуцыйныя акты ў гісторыі нашага народа за апошнія 500 гадоў.

Беларусы былі аднымі з першых у свеце, хто займеў канстытуцыйнае заканадаўства. Гэты год адзначаны важнымі юбілеямі асноўных помнікаў-дакументаў прававой думкі Беларусі: 490 гадоў першаму Статуту Вялікага Княства Літоўскага, 100 гадоў першай Канстытуцыі Савецкай Сацыялістычнай Рэспублікі Беларусіі і 25 гадоў Канстытуцыі Рэспублікі Беларусь.

Выстаўка “Шлях да Канстытуцыі” адлюстроўвае асноўныя этапы, якія наша краіна прайшла ў развіцці і фарміраванні галоўнага закона дзяржавы.

Экспазіцыя складаецца з унікальных рукапісных, старадрукаваных помнікаў права, а таксама выданняў XIX–XXІ стст. Значная частка выстаўкі прысвечана Статуту ВКЛ. Прадстаўлены арыгіналы і факсіміле Статутаў 1529, 1566 і 1588 гг., у якіх упершыню зафіксаваны нормы канстытуцыйнага права.

У экспазіцыі змешчаны знакавыя для беларускага права канстытуцыі: першая еўрапейская – Канстытуцыя Рэчы Паспалітай ад 3 мая 1791 г., першая савецкая – Канстытуцыя ССРБ 1919 г., чатырохмоўная Канстытуцыя БССР 1927 г., а таксама іншыя канстытуцыі савецкага перыяду. Пачэснае месца займае Канстытуцыя нашай незалежнай дзяржавы 1994 г. у першапачатковым выглядзе і выдадзеная з улікам пазнейшых змен і дапаўненняў.


Выстаўка “Шлях да Канстытуцыі” адкрыецца 13 сакавіка а 16-й гадзіне ў музеі кнігі (пам. 347) і будзе працаваць да 14 красавіка 2019 г.

Дата яе заканчэння можа быць зменена.

Час работы выстаўкі адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 22.

Матэрыял прадастаўлены навукова-даследчым аддзелам кнігазнаўства.

Чытайце таксама, як прайшло адкрыццё выстаўкі “Шлях да Канстытуцыі”.

Мерапрыемствы

Вялікі талент, вялікая работа, вялікае сэрца

18.01.2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

“Каб чалавек жыў як чалавек…”: да 100-годдзя з дня нараджэння Івана Мележа і Івана Шамякіна

22.01.2021

28 студзеня а 16-й гадзіне ў галерэі “Атрыум” (3-ці паверх) адкрыецца літаратурна-мастацкая выстаўка “Каб чалавек жыў як чалавек…”, прысвечаная 100-годдзю з дня нараджэння беларускіх пісьменнікаў Івана Мележа і Івана Шамякіна.

Размова з адвакатам аб вырашэнні спрэчных пытанняў з суседзямі

20.01.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Мір, салідарнасць, давер, адзінства!

19.01.2021

З 19 студзеня па 17 лютага ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Мір, салідарнасць, давер, адзінства!”, прысвечаная Міжнароднаму году міру і даверу.

Музейныя заняткі “Факсіміле”

19.01.2021

Запрашаем дзетак 5–12 гадоў далучацца да “Клуба кніжных прафесараў” і ўдзельнічаць у музейных занятках “Факсіміле”.



Бібліятэкарам
111