ГалоўнаяМерапрыемствыПраект “На хвалі часу, у плыні жыцця”: да 100-годдзя літаб’яднання “Маладняк”
Шлях да Канстытуцыі: як ствараўся галоўны закон дзяржавы
Асноўны закон дзяржавы: ад Статута да Канстытуцыі

Праект “На хвалі часу, у плыні жыцця”: да 100-годдзя літаб’яднання “Маладняк”

Праект “На хвалі часу, у плыні жыцця”: да 100-годдзя літаб’яднання “Маладняк”
Іншыя мерапрыемствы
14 сакавіка
Дата правядзення
16.00–18.00
Час правядзення
ДМГБЛ
Месца правядзення

Маштабны сумесны праект Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва і часопіса “Маладосць”, які ладзіцца да 100-годдзя літаб’яднання “Маладняк”, распачынаецца імпрэзай “Мы будзем жыць! Жыццё за нас...”, прысвечанай беларускаму паэту і перакладчыку, “маладнякоўцу” Валерыю Маракову.

На мерапрыемстве будзе прэзентаваны пачатковы этап працы Нацыянальнай бібліятэкі Беларусі над віртуальным праектам “На хвалі часу, у плыні жыцця”, прымеркаваным да 100-годдзя Усебеларускага літаратурнага аб’яднання паэтаў і пісьменнікаў “Маладняк” (1923–1928). У межах праекта, які будзе папаўняцца на працягу пяці гадоў (2019–2023), быў распрацаваны раздзел, прысвечаны 110-годдзю з дня нараджэння Валерыя Маракова (1909–1937).

Af_Moryakoy

Да імпрэзы музеем падрыхтавана часовая экспазіцыя, якая змяшчае фотаздымкі і кнігі паэта з фондаў Дзяржаўнага музея і Нацыянальнай бібліятэкі. На вечарыне выступяць літаратуразнаўцы, гісторыкі, якія займаюцца даследаваннем міжваеннага перыяду (1920–1930) і непасрэдна творчасці Валерыя Маракова, – Кастусь Цвірка, Ірына Багдановіч, Віктар Жыбуль, Ганна Севярынец, Антон Рудак і іншыя.

Першая імпрэза сумеснага праекта прысвечана асобе паэта Валерыя Маракова, які быў прыняты ў “Маладняк” у 1926 г. Ён пражыў нядоўгае жыццё, пакінуўшы пасля сябе толькі чатыры паэтычныя зборнікі – “Пялёсткі” (1926), “На залатым пакосе” (1927), “Вяршыні жаданняў” (1930), “Права на зброю” (1933).

Амаль да пачатку ХХІ стагоддзя асоба Валерыя Маракова чытачу была мала вядомая. Лепш пазнаёміцца з творчасцю паэта дапаможа зборнік яго выбраных твораў В. Маракова “Рабінавая ноч” (2003), укладзены і выдадзены яго пляменнікам Леанідам Мараковым. Ён вывучаў рукапісы Валерыя, знаёміўся з яго лёсам. Вынікам такой працы стала кніга “Валеры Маракоў. Лёс, хроніка, кантэкст” (1999).


Вечарына пройдзе 14 сакавіка а 16-й гадзіне ў Дзяржаўным музеі гісторыі беларускай літаратуры (вул. М. Багдановіча, 13).

Запрашаем усіх зацікаўленых!

Матэрыял прадстаўлены інфармацыйна-аналітычным аддзелам.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Служэнне мастацтву

15.01.2020

З 15 студзеня па 26 лютага ў зале нотных і аўдыявізуальных дакументаў (пам. 305) праходзіць выстаўка “Служэнне мастацтву”, прысвечаная 200-годдзю з дня нараджэння Аляксандра Мікалаевіча Сярова (1820–1871).

Плывец па рацэ гісторыі

15.01.2020

З 15 студзеня па 13 лютага ў зале беларускай літаратуры (пам. 205) праходзіць выстаўка “Плывец па рацэ гісторыі”, прысвечаная 80-годдзю з дня нараджэння беларускага пісьменніка, паэта і перакладчыка Леаніда Мартынавіча Дайнекі (1940–2019).

У бібліятэцы адсвяткавалі Каляды

14.01.2020

14 студзеня для супрацоўнікаў Нацыянальнай бібліятэкі Беларусі выступіў народны ансамбль “Шчодрыца”. Гледачоў парадавалі калядныя песні, танцы і жартоўныя святочныя рытуалы.

“Маладнякоўскімі крокамі” ў музеі кнігі

16.01.2020

16 студзеня ў межах рэспубліканскага праекта “На хвалі часу, у плыні жыцця” і Дня літаб’яднання “Маладняк” музей кнігі запрашае а 16-й гадзіне на адкрыццё выставы “Маладнякоўскімі крокамі”.

ЮНКТАД – 55 гадоў развіцця і супрацоўніцтва

26.12.2019

З 26 снежня па 19 студзеня ў зале дакументаў міжнародных арганізацый (пам. 207g) адкрыта тэматычная выстаўка “ЮНКТАД – 55 гадоў развіцця і супрацоўніцтва”, прысвечаная 55-годдзю Канферэнцыі ААН па гандлі і развіцці (ЮНКТАД).



111