13 сакавіка ў музеі кнігі адбылося ўрачыстае адкрыццё выстаўкі “Шлях да Канстытуцыі”.
Мерапрыемства прымеркавана да 490-годдзя Першага Статута Вялікага Княства Літоўскага, 100-годдзя першай Канстытуцыі Савецкай Сацыялістычнай Рэспублікі Беларусіі і 25-годдзя Канстытуцыі Рэспублікі Беларусь.
У адкрыцці выстаўкі ўзялі ўдзел дырэктар Нацыянальнай бібліятэкі Беларусі Раман Матульскі, дырэктар Нацыянальнага цэнтра заканадаўства і прававых даследаванняў Рэспублікі Беларусь Вадзім Іпатаў, дырэктар Нацыянальнага цэнтра прававой інфармацыі Рэспублікі Беларусь Яўгеній Каваленка і іншыя госці.
У экспазіцыі прадстаўлены ўсе канстытуцыйныя акты ў гісторыі нашай краіны за апошнія 500 гадоў: унікальныя рукапісныя і старадрукаваныя помнікі права, а таксама выданні XIX–XXІ стст. Значная частка выстаўкі прысвечана Статуту ВКЛ. Прадстаўлены арыгіналы і факсіміле розных спісаў Статутаў 1529, 1566 і 1588 гг., у якіх упершыню зафіксаваны нормы канстытуцыйнага права. Асноўнае месца экспазіцыі займае Канстытуцыя незалежнай Беларусі 1994 г.
Наведаць выстаўку ў музеі кнігі (пам. 347) можна да 14 красавіка 2019 г.
Дата яе заканчэння можа быць зменена.
Час работы выстаўкі адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 22.
Матэрыял прадастаўлены аддзелам сувязей з грамадскасцю.
Пра адкрыццё выстаўкі “Шлях да Канстытуцыі” глядзіце таксама рэпартажы тэлеканалаў:
