ГалоўнаяМерапрыемствыМузей навукі “Элемента”: галоўнае – праявіць фантазію!
“Трэба дома бываць часцей...”
Жыць як у казцы: з надыходзячым 2019 годам!

Музей навукі “Элемента”: галоўнае – праявіць фантазію!

Музей навукі “Элемента”: галоўнае – праявіць фантазію!
Іншыя мерапрыемствы
1 студзеня – 2 жніўня
Дата правядзення
10.00–19.00
Час правядзення
Білет
Купіць анлайн

Сярод мноства выставачных пляцовак Мінска ў апошні час нялёгка вызначыцца: на кожнай абяцаюць “захапляльнае, унікальнае, непаўторнае, раней нябачанае”. Як жа выбраць, куды пайсці? Мы ўпэўнены: выбраўшы для наведвання выстаўку музея навукі “Элемента”, якая праходзіць у Нацыянальнай бібліятэцы Беларусі, расчараваным не застанецца ніхто!

Выстаўка інтэрактыўная на ўсе 100 %. Тут не знойдзецца ніводнай папераджальнай таблічкі “Рукамі не чапаць!”. Дакранацца, круціць, стукаць, церці не проста рэкамендавана, а неабходна! Кожны наведвальнік абавязкова стане непасрэдным удзельнікам вопытаў і эксперыментаў. Больш за сотню экспанатаў, створаных камандай прафесійных інжынераў, пагрузяць у свет навукі, дапамогуць зразумець фізічныя законы свету і атрымаць новыя веды ў галіне фізікі і хіміі.

На выстаўцы можна азнаёміцца з незвычайнымі прыборамі, механізмамі, маятнікамі, драўлянымі галаваломкамі. Напрыклад, прылада, якая нагадвае вялікую ракавінку, дэманструе асаблівасці распаўсюджвання гукавых хваль, а пры дапамозе шпулькі Тэслы можна запусціць маланку. Прымацаваныя да сцяны трубы раскажуць, як перамяшчаецца гук, і нават сыграюць для вас мелодыю.

Вельмі цікава вывучаць на выстаўцы фізічныя ўласцівасці магнітаў на прыкладзе гаек у магнітнай арцы. Маленькія жалезныя гайкі прыцягваюцца адзін да аднаго і павісаюць у паветры. Гуляць з імі можна бясконца, бо з іх лёгка стварыць кветку, дом або ката. Яшчэ ў музеі навукі “Элемента” можна паслухаць музыку зубамі, пасядзець на цвіках, паставіць шмат-шмат іншых эксперыментаў і паўдзельнічаць у незвычайных занятках! Галоўнае – праявіць фантазію!

Бацькі, вам больш не прыйдзецца гадзінамі тлумачыць дзіцяці, як і чаму ўсё рухаецца ў гэтым свеце. Дастаткова наведаць выстаўку “Элемента”. Бо нездарма кажуць, што лепш адзін раз убачыць, чым сто разоў пачуць!

Чакаем вас з шумнай кампаніяй сяброў, з сям’ёй або ў складзе школьнай групы. Музей навукі “Элемента” – гэта не толькі займальна, але і пазнавальна!

Выстаўка працуе:
панядзелак – пятніца: 10.00–19.00,
субота: 10.00–18.00,
апошні панядзелак месяца – санітарны дзень,
з 1 чэрвеня да 31 жніўня нядзеля – выхадны дзень.

Уваход:
дарослыя і дзеці – 10,00 руб.,
людзі з абмежаванымі магчымасцямі і дзеці са шматдзетных сем’яў – 8,00 руб.,
дзеці ва ўзросце да 3-х гадоў і выхаванцы дзіцячых дамоў – бясплатна.

Графік работы выстаўкі ў перадсвяточныя, святочныя і санітарныя дні
ўдакладняйце на сайце бібліятэкі www.nlb.by ці па тэлефонах:
(8 029) 645 40 40, (8 017) 293 27 56, (8 017) 293 27 58, (8 017) 266 37 37.

Чытайце таксама аб удзеле музея навукі "Элемента" ў міжнароднай акцыі "Ноч музеяў"

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Партызанскі архіў: бібліятэка прэзентуе мультымедыйныя выданні

15.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

15.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



111