У кожнага чалавека паняцце Радзімы сваё. І яно не залежыць ад тэрытарыяльнай мяжы. Для адных гэта родны горад, вуліца ў горадзе або невялікі дворык, вёска, дзе прайшлі лепшыя дзіцячыя гады, для іншых – прыроднае асяроддзе, якое цешыла вока і дарыла пачуццё пяшчоты і спакою. Радзіма – тое месца, куды чалавека цягне ўсёй душой і сэрцам, куды б яму хацелася вярнуцца нягледзячы ні на якія перашкоды і абставіны.

Прадстаўленыя на выстаўцы публікацыі з газет і часопісаў адлюстроўваюць вялікі аб'ём ужо зробленай і запланаванай работы па рэалізацыі самых розных (культурных, эканамічных, сацыяльных) праектаў і мерапрыемстваў, якія накіраваны на паляпшэнне ўзроўню жыцця ва ўсіх рэгіёнах Беларусі. Шмат якія артыкулы з часопісаў “Беларусь”, “Беларуская думка”, газет “СБ. Беларусь сегодня”, “Рэспубліка”, “Сельская газета” прысвечаны людзям, для якіх словы “малая радзіма” – не пусты гук, якія з усёй цеплынёй і любоўю робяць усё для шчаслівай будучыні свайго роднага кутка. Асабісты ўдзел кожнага чалавека ў лёсе нашага агульнага дома – гэта прыклад сапраўднага патрыятызму для будучых пакаленняў.

Усяго на выстаўцы прадстаўлена каля 40 перыядычных выданняў.

Час работы выстаўкі адпавядае рэжыму работы бібліятэкі.
Уваход – па чытацкім білеце ці білеце сацыякультурнага цэнтра.

Спіс літаратуры

Тэлефон для даведак: (8 017) 293 25 87.

Матэрыял прадастаўлены аддзелам абслугоўвання спецыялізаванымі фондамі.