19 мая да 23.00 падчас міжнароднай акцыі “Ноч музеяў” у цэнтральным холе бібліятэкі музей навукі “Элемента” правёў незвычайнае прадстаўленне, якое паказала і даказала – навука можа быць даступнай, займальнай і відовішчнай.
У гэты вечар гасцям навуковай шоу-праграмы прапанавалі ўвайсці ў клетку Фарадэя і апынуцца ў асяроддзі гіганцкіх маланак трансфарматара Тэслы. Усе наведвальнікі з задавальненнем удзельнічалі ў хімічных доследах і навуковых эксперыментах, па-новаму гледзячы на тое, што раней здавалася сумным або складаным у вывучэнні, і бачылі, як нараджаюцца цуды прама ў іх на вачах.
Займальна, весела, цікава, а самае галоўнае – пазнавальна і карысна правялі час госці, а таксама даведаліся шмат новага.
Калі па якіх-небудзь прычынах вы не змаглі пабываць на акцыі “Ноч музеяў” у Нацыянальнай бібліятэцы – не хвалюйцеся. Музей навукі “Элемента” працягвае здзіўляць і раскрываць навуковыя таямніцы. Прыходзьце! Не пашкадуеце!
Тэлефоны для даведак:
(8 029) 645 40 40, (8 029) 266 37 37,
e-mail: elementokot@gmail.com