З 11 лістапада да ўвагі карыстальнікаў прадстаўлена пастаянная віртуальная выстаўка “Сведкі сівой даўніны: замкі, палацы, сядзібы Беларусі”, якая расказвае пра архітэктурныя каштоўнасці беларускага краю.
Старажытныя палацы, замкі і сядзібы – частка духоўнай і матэрыяльнай спадчыны беларускага народа. Яны займаюць значнае месца сярод гістарычных каштоўнасцей нашай краіны.
Выстаўка "Сведкі сівой даўніны" знаёміць са шматлікімі выданнямі, якія раскрываюць працэсы станаўлення і развіцця беларускай архітэктуры, паказваюць вытокі беларускага ваеннага дойлідства, а таксама ўзнімаюць пытанні рэстаўрацыі і аднаўлення архітэктурных помнікаў. Друкаваныя экспанаты раскажуць пра гісторыю ўзнікнення на тэрыторыі Беларусі замкаў, палацаў, сядзіб і гістарычныя падзеі, звязаныя з імі.
Асобныя раздзелы прысвечаны Нясвіжскаму палацава-замкаваму комплексу, а таксама ўнікальнаму помніку беларускай архітэктуры XVI–XX стст. Мірскаму замку.
Экспазіцыю склалі кнігі, перыядычныя выданні, паштоўкі з фондаў Нацыянальнай бібліятэкі Беларусі. Усяго налічваецца каля 130 крыніц.
Кантактны тэлефон: (8 017) 293 27 16.
Чытайце таксама пра іншыя віртуальныя выстаўкі бібліятэкі:
