З 29 снежня да ўвагі карыстальнікаў прадстаўлена пастаянная віртуальная выстаўка “Мелодыі любімых фільмаў”, прымеркаваная да Міжнароднага дня кінематаграфіі.
Музыка ў кіно іграе вельмі важную ролю. Як сказаў кампазітар В. Дашкевіч, “музыка – той цэмент, які ў кіно змацоўвае і драматургію, і акцёрскую ігру, і ўсю рэжысёрскую задуму”. Яна не толькі характарызуе герояў фільма, але і дапамагае гледачам лепш зразумець іх, стварае настрой карціны, насычае яе прыгажосцю, робіць наша ўспрыманне больш жывым.
У многіх фільмах гучаць выдатныя мелодыі, якія потым напявае не адно пакаленне гледачоў. Музычныя тэмы і лейтматывы становяцца сусветнымі шлягерамі, а некаторыя саўндтрэкі нават перажылі фільмы, для якіх былі напісаны, і пастаянна з’яўляюцца ў новых аранжоўках.
Прадстаўленыя на выстаўцы выданні можна заказаць у зале нотных і аўдыявізуальных дакументаў (3-ці паверх, пам. 305) і з дапамогай электроннага каталога на інтэрнэт-партале бібліятэкі. Кансультацыю па пошуку і заказе дакументаў аказваюць супрацоўнікі залы. У зале ёсць фартэпіяна, а таксама спецыяльнае абсталяванне для работы з аудыядакументамі.
Віртуальную выстаўку “Мелодыі любімых фільмаў” падрыхтавалі супрацоўнікі сектара абслугоўвання дакументамі па музычным мастацтве аддзела абслугоўвання спецыялізаванымі фондамі.
Кантактны тэлефон: (8 017) 293 27 52.
Чытайце таксама пра другія віртуальныя выстаўкі бібліятэкі:
