З 7 сакавіка да ўвагі карыстальнікаў прадстаўлена пастаянная віртуальная выстаўка “Кветак таямнічая сіла”.
З найстаражытнейшых часоў кветкі адыгрываюць важную ролю ў жыцці чалавека. Сведчанне гэтаму мы знаходзім у міфах, фальклоры, рэлігійных тэкстах, мастацтве.
Акрамя таго, што кветкі дораць людзям эстэтычную асалоду, яны таксама шырока выкарыстоўваюцца ў медыцыне, парфумерыі, як крыніца сілкавання. Кветкі валодаюць здольнасцю выклікаць эмацыянальны водгук у душы чалавека. Бо нездарма пачуцці, якія часам цяжка выказаць словамі, спрабуюць перадаць пры дапамозе колераў.
Экспазіцыю склалі кнігі, перыядычныя выданні, рэпрадукцыі, паштоўкі з фондаў Нацыянальнай бібліятэкі Беларусі. Гэта каля 100 крыніц, якія сістэматызаваны ў шэсць тэматычных раздзелаў, уключаючы выданні па кветкаводстве, кветкавым дызайне, лекавых раслінах, жывапісе і інш. Асаблівую цікавасць выклікаюць матэрыялы раздзела, прысвечанага тэхналогіі стварэння кветкавай кампазіцыі.
Выстаўка мае простую навігацыю з гіперспасылкамі для зручнасці перамяшчэння карыстальніка ў раздзел, які цікавіць. Для атрымання больш падрабязнай інфармацыі пра выданне або прагляду работы канкрэтнага мастака клікніце на фота дакумента або назву карціны.
Віртуальная выстаўка "Кветак таямнічая сіла" падрыхтавана супрацоўнікамі сектара абслугоўвання дакументамі па выяўленчым і відовішчных мастацтвах аддзела абслугоўвання спецыялізаванымі фондамі.
Пры наведванні бібліятэкі патрэбнае выданне можна заказаць і прагледзець у зале дакументаў па мастацтве (3-ці паверх, пам. 306). Кансультацыю па пошуку і заказе дакументаў можна атрымаць у супрацоўнікаў залы.
Тэлефон для даведак: (8 017) 293 27 53.
Чытайце таксама:
Віртуальная выстаўка электронных выданняў
