У Касцюковіцкім раёне прайшло рэгіянальнае свята паэзіі і аўтарскай песні ў гонар вядомага беларускага паэта і мясцовага ўраджэнца Алеся Пісьмянкова.
Святкаванне, у якім бралі ўдзел больш за паўтысячы чалавек, праходзіла на радзіме паэта, паблізу вёскі Бялынкавічы, на маляўнічым беразе ракі Бесядзь. На конкурсе маладых паэтаў чыталі свае вершы паэты з Касцюковіцкага раёна, а таксама з Гомеля, Быхава, Чэрыкава, Клімавічаў, Слаўгарада і нават Санкт-Пецярбурга. Пераможцай стала Святлана Маісеенка з Касцюковічаў. У конкурсе аўтарскай песні лепшымі прызнаны Міхаіл Судзін з Крычава і Віталь Анжанкоў з Касцюковічаў.
Госці свята “Пісьмянкоў луг” атрымалі асалоду ад канцэрта і вечарыны паэзіі, набылі сувеніры ў народных майстроў, а таксама пачаставаліся шашлыкамі, марозівам і напоямі.
Крыніца: Газета "Звязда"