ГалоўнаяНавіныНавіны Нацыянальнай бібліятэкі Беларусі
Пасяджэнне Савета бібліятэк Беларусі па інфармацыйным узаемадзеянні
Адам Багдановіч: Успамінаў я ўсё сумесна перажытае з любоўю...

Знаёмства будучых бібліятэкараў са спадчынай Яўгена Хлябцэвіча

Знаёмства будучых бібліятэкараў са спадчынай Яўгена Хлябцэвіча
Іншыя навіны

У рамках супрацоўніцтва паміж Нацыянальнай бібліятэкай Беларусі і Беларускім дзяржаўным універсітэтам культуры і мастацтваў 15 і 16 кастрычніка адбылося сумеснае мерапрыемства.

У ім прынялі ўдзел студэнты БДУКіМ, якія паглыблена вывучаюць творчую спадчыну бібліятэказнаўцы Яўгена Хлябцэвіча ў межах аўтарскага спецыяльнага курса прафесара Ларысы Доўнар “Уклад Я.І. Хлябцэвіча ў развіццё бібліятэказнаўчай думкі”.

Студэнты наведалі выставу “Руплівец бібліятэчнай справы” ў чытальнай зале рукапісаў, рэдкай кнігі і старадрукаў, прысвечаную 135-годдзю з дня нараджэння Яўгена Хлябцэвіча. У ходзе экскурсіі загадчык сектара музейнай дзейнасці Таццяна Захарава пазнаёміла будучых бібліятэкараў з унікальнымі фотаздымкамі, рукапісамі, асабістымі (сямейнымі) і творчымі дакументамі, а таксама літаратуразнаўчымі і бібліятэказнаўчымі працамі і публікацыямі Яўгена Хлябцэвіча розных гадоў.

Студэнты мелі магчымасць вывучыць дадатковыя матэрыялы аб жыцці і дзейнасці вядомага бібліятэказнаўцы, а таксама праз электронны каталог пазнаёміцца з пералікам дакументаў з асабістага архіва Яўгена Хлябцэвіча, што захоўваецца ў фондах Нацыянальнай бібліятэкі Беларусі.

Студэнты БДУКіМ таксама прысутнічалі 15 кастрычніка на публічнай лекцыі амерыканскага даследчыка старажытных манускрыптаў Скота Кэрала “Кнігі да вынаходніцтва друку: нястомная праца перапісчыка” і прынялі актыўны ўдзел у яе абмеркаванні.


Выстава “Руплівец бібліятэчнай справы” будзе працаваць да 30 лістапада 2019 года ў чытальнай зале рукапісаў, рэдкай кнігі і старадрукаў (пам. 348).
Дата яе завяршэння можа быць зменена.

Час работы выставы адпавядае рэжыму работы чытальнай залы.
Уваход – па чытацкім білеце або білеце сацыякультурнага цэнтра.

Тэлефон для даведак і замоў экскурсій: (8 017) 293 27 22.

Матэрыял прадастаўлены навукова-даследчым аддзелам кнігазнаўства.

Навіны

Кампетэнтна і падрабязна

21 Ліс 2019

20 лістапада Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Звароты грамадзян: з практыкі грамадзянска-прававога кансультавання”.

Навіны Нацыянальнай бібліятэкі Беларусі

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

111