ГалоўнаяМерапрыемствыРуплівец бібліятэчнай справы
Які колер у цішыні? Даведайцеся аб гэтым на новай мастацкай выстаўцы
У кніжным царстве

Руплівец бібліятэчнай справы

Руплівец бібліятэчнай справы
Іншыя мерапрыемствы
23 верасня – 15 сакавіка
Дата правядзення
10.00–21.00
Час правядзення
пам. 348
Месца правядзення

З 23 верасня пачне працу выстава “Руплівец бібліятэчнай справы”, прысвечаная 135-годдзю з дня нараджэння Яўгена Хлябцэвіча.

Яўген Іванавіч Хлябцэвіч (1884–1953) – беларускі і рускі бібліятэказнавец, бібліёграф, даследчык літаратуры, актыўны дзеяч беларускага культурна-грамадскага руху пачатку ХХ ст.

Нарадзіўся ў в. Кленікі Бельскага павета Гродзенскай губерні ў сям’і праваслаўнага святара. Бацька Іван Андрэевіч выкладаў арыфметыку і геаграфію ў Жыровіцкім духоўным вучылішчы, якое ў 1900 г. скончыў сын Яўген.

З 1907 па 1913 г. Я. Хлябцэвіч – студэнт Пецярбургскага ўніверсітэта. У гэты час стаў актыўным удзельнікам беларускага Адраджэння і далучыўся да бібліятэчнай працы. Выступаў ініцыятарам стварэння сярод студэнтаў беларускага навукова-літаратурнага гуртка, друкаваўся ў газетах “Наша доля” і “Наша ніва” пад псеўданімам Халімон з-пад пушчы. Я. Хлябцэвіч вёў раздзел “Кніжны і бібліятэчны лісток” у газеце “Новая Русь”, у якой дапамагаў публікавацца Я. Купалу. Дзейсна папулярызаваў ідэю аб арганізацыі народных бібліятэк пры падтрымцы фонду выдаўца Ф. Паўленкава. У 1911 г. Я. Хлябцэвіч удзельнічаў у Першым Усерасійскім з’ездзе па бібліятэчнай справе (Санкт-Пецярбург) з дакладам, у якім абагуліў вопыт стварэння народных бібліятэк на Гродзеншчыне.

У пачатку 20-х гг. працаваў у розных савецкіх кіруючых органах, дзе курыраваў пытанні, звязаныя з бібліятэчнай справай. З 1943 г. і да канца свайго жыцця быў выкладчыкам і вучоным сакратаром Маскоўскага бібліятэчнага інстытута. Я. Хлябцэвіч як бібліятэказнавец і кнігазнавец вывучаў чытацкія інтарэсы, займаўся праблемай “пісьменнік і чытач”. У 1936 г. выйшла яго найбольш значнае даследаванне “Масавы чытач і работа з кнігай”.

Выстава пабудавана на арыгінальных матэрыялах і дакументах з асабістага архіва Яўгена Хлябцэвіча, які захоўваецца ў фондах Нацыянальнай бібліятэкі Беларусі. Дэманструюцца ўнікальныя фотаздымкі, рукапісы, асабістыя (сямейныя) і творчыя дакументы, а таксама літаратуразнаўчыя і бібліятэказнаўчыя працы і публікацыі розных гадоў.


Выстава будзе працаваць з 23 верасня па 15 сакавіка 2020 г. у чытальнай зале рукапісаў, рэдкай кнігі і старадрукаў (пам. 348).
Дата яе завяршэння можа быць зменена.

Час работы выставы адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак і замоў экскурсій: (8 017) 293 27 22.

Матэрыял прадастаўлены навукова-даследчым аддзелам кнігазнаўства.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Шырыня паэтычнага абсягу

20.02.2020

З 20 лютага па 19 сакавіка ў зале беларускай літаратуры (пам. 205) праходзіць выстаўка “Шырыня паэтычнага абсягу”, прысвечаная 85-годдзю з дня нараджэння народнага паэта Беларусі Рыгора Іванавіча Барадуліна (1935–2014).

Каштоўнасці і прыярытэты XXI стагоддзя: сацыяльная справядлівасць

19.02.2020

З 19 лютага па 17 сакавіка ў зале дакументаў міжнародных арганізацый (пам. 207g) адкрыта тэматычная выстаўка “Каштоўнасці і прыярытэты XXI стагоддзя: сацыяльная справядлівасць”, прысвечаная Сусветнаму дню сацыяльнай справядлівасці.

Крылы творчага натхнення

15.02.2020

З 15 лютага па 5 красавіка ў зале беларускай літаратуры (пам. 205) праходзіць выстаўка “Крылы творчага натхнення”, прымеркаваная да 95-годдзя з дня нараджэння народнага пісьменніка Беларусі Івана Якаўлевіча Навуменкі (1925–2006).

Размова з адвакатам аб захаванні інтарэсаў непаўналетніх пры разводзе і падзеле маёмасці

12.02.2020

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.

Узгадавала зямля беларуская

07.02.2020

З 7 лютага па 29 сакавіка ў зале дакументаў па мастацтве (пам. 306) праходзіць кніжна-ілюстрацыйная выстаўка “Узгадавала зямля беларуская”, прысвечаная 210-годдзю з дня нараджэння вядомага мастака Івана Фаміча Хруцкага (1810–1885).



111