ГалоўнаяНавіныДа 100-годдзя літаб'яднання "Маладняк"
Дырэктар Купалаўскага музея – пра рукапісныя рарытэты паэта, інтэрактыўныя навінкі і почырк Песняра
24 сакавіка 1945 года. 46 дзён да Перамогі

“Жывы” віртуальны праект “На хвалі часу, у плыні жыцця”

“Жывы” віртуальны праект “На хвалі часу, у плыні жыцця”
Іншыя навіны

Ідзе другі год працы Нацыянальнай бібліятэкі Беларусі над праектам, прымеркаваным да 100-годдзя ўтварэння літаб’аднання “Маладняк”.

Віртуальны рэсурс “На хвалі часу, у плыні жыцця” працягвае папаўняцца новай інфармацыяй пра пісьменнікаў-маладнякоўцаў: створаны раздзел, прысвечаны Уладзіміру Хадыку, вядзецца праца над раздзеламі, прымеркаванымі да юбілеяў Уладзіміра Дубоўкі, Кузьмы Чорнага, Янкі Скрыгана. Да сумеснага “праекта чатырох” (Нацыянальнай бібліятэкі Беларусі, Дзяржаўнага музея гісторыі беларускай літаратуры, Беларускага дзяржаўнага архіва-музея літаратуры і мастацтва, часопіса “Маладосць”) далучаюцца іншыя ўстановы, новыя аўтары і даследчыкі гісторыі літаратуры 1920–1930-х гг.

Увесь час рэсурс “На хвалі часу, у плыні жыцця” папаўняецца кнігамі, паўнатэкставымі дакументамі, знойдзенымі фотаздымкамі і матэрыяламі з асабістых архіваў даследчыкаў. Распачынаем серыю публікацый пра новыя цікавосткі праекта.

У падраздзеле “Літаратурныя і дакументальныя выданні аб’яднання “Маладняк” размешчана цікавае выданне “Бліскавіцы: анталогія беларускай жаночай паэзіі міжваеннага перыяду” (2017), укладзенае Аксанай Данільчык і Віктарам Жыбулем. Упершыню пад адной вокладкай сабраны творы 61 беларускай паэткі, напісаныя ў міжваенны перыяд, з 1918 па 1941 год, – што стварае панараму літаратурнага жыцця эпохі.

“Сёння ужо ніхто не задае пытання, ці вартая аналізу жаночая паэзія сама па сабе – здаецца, гэта ўжо высветлены факт і адпраўная кропка для таго, каб зрабіць яшчэ адзін крок наперад – даследаваць створанае жанчынамі, вызначыць галоўныя тэндэнцыі паэзіі, напісанай жанчынамі, яе трансфармацыі ў канкрэтныя гістарычныя перыяды і, магчыма, вызначыць далейшыя перспектывы развіцця, а таксама пазбавіцца ад стэрэатыпаў, звязаных з ужываннем слова «жаночая». Акрамя таго, цэлы пласт беларускай літаратуры пакуль застаецца незапатрабаваным, і хацелася б спадзявацца, што гэтая лакуна будзе запоўнена... Анталогія беларускай жаночай паэзіі міжваеннага перыяду дапаможа па-іншаму паглядзець на літаратурны працэс 20–30-х гадоў і на ўдзел у ім жанчын… Сёння стаіць задача вярнуць беларускую жаночую паэзію 20–30-х гадоў з «няведамасці», каб аднавіць гістарычную і мастацкую справядлівасць”, – адзначае кандыдат філалагічных навук Аксана Данільчык у прадмове да кнігі “Бліскавіцы”.

В.Жыбуль-А. Данільчык.JPG

Аўтарка гэтых радкоў далучылася да нашага праекта і стала актыўным удзельнікам круглага стала “Маладнякоўскімі крокамі”, што прайшоў 16 студзеня 2020 г. у НББ. Аксана даследуе творчасць Зінаіды Бандарынай – паэткі “Маладняка”, чые вершы ўвайшлі ў анталогію “Бліскавіцы”, але акрамя таго займаецца вывучэннем творчасці Я. Пушчы, К. Чорнага, С. Дарожнага, М. Бяліны-Падгаецкага, Я. Пфляўмбаум, П. Бузука, пытаннямі культуры (дзейнасцю А. Бабарэкі, У. Дубоўкі, Т. Кляшторнага і інш.), італьянскім кантэкстам беларускай літаратуры міжваеннага перыяду.

На пасяджэнні ў рамках Дня літаб’яднання “Маладняк” А. Данільчык выступіла з дакладам “Паэзія і лёс «маладнякоўкі» Зінаіды Бандарынай”, а ў часопісе “Маладосць” № 1 за 2020 г. у рамках праекта “На хвалі часу, у плыні жыцця” выйшаў яе артыкул “«Асабістая справа»” Зінаіды Бандарынай і іншыя матэрыялы да біяграфіі”. У № 5 часопіса “Маладосць” чакаецца новы матэрыял А. Данільчык пра творчасць З. Бандарынай. Даследчыца, паэтка і перакладчыца застаецца актыўным удзельнікам і сябрам рэспубліканскага праекта.

Запрашаем далучацца да праекта “На хвалі часу, у плыні жыцця”, які дае магчымасць праз сайт НББ папулярызаваць дзейнасць літаб’аднання “Маладняк” і свае даследчыцкія знаходкі!

Матэрыял прадастаўлены інфармацыйна-аналітычным аддзелам.

Навіны

6 жніўня – дзень нараджэння беларускай друкаванай кнігі

6 Жні 2020

Беларускі першадрукар Францыск Скарына пачаў выдавецкую дзейнасць у 1517 годзе ў Празе. Першай кнігай стаў Псалтыр, у якім была пазначана дата завяршэння. Дзякуючы гэтаму мы ведаем не толькі год, а нават дзень нараджэння беларускай друкаванай кнігі – 6 жніўня 1517 года.

Навіны Нацыянальнай бібліятэкі Беларусі

Да 180-годдзя загадкавага Альгерда Абуховіча

6 Жні 2020

У гісторыю беларускай літаратуры Альгерд Рышардавіч Абуховіч (псеўданім Граф Бандынэлі, даты жыцця 6 жніўня 1840 – 22 жніўня 1898) увайшоў як паэт, пісьменнік-рэаліст, перакладчык, адзін з пачынальнікаў жанру байкі, мастацкай прозы і мемуарыстыкі.

Па старонках беларускага календара

Пра сучасную Беларусь распавядае новая выстава бібліятэкі

5 Жні 2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106).

Кніжныя выстаўкі

Беларускія кнігі перададзены аўтаноміі беларусаў Расіі

5 Жні 2020

3 жніўня ў рамках дабрачыннай акцыі “Пра Беларусь – беларусам замежжа” Федэральнай нацыянальна-культурнай аўтаноміі беларусаў Расіі перададзена ў дар больш за 300 асобнікаў беларускіх выданняў.

Навіны Нацыянальнай бібліятэкі Беларусі

Пра папаўненне фондаў бібліятэкі ўнікальнымі выданнямі – у эфіры тэлеканала СТБ

4 Жні 2020

У рамках дабрачыннага праекта “Кнізе – другое жыццё”, які ажыццяўляецца кампаніяй ТАА “БЕЛГІПС-ЭКА”, фонды Нацыянальнай бібліятэкі Беларусі папоўніліся чатырма каштоўнымі фаліянтамі.

Навіны Нацыянальнай бібліятэкі Беларусі

Радзіма і яе лёс: асэнсаванне творчасці Рыгора Барадуліна

4 Жні 2020

Юныя чытачы актыўна прынялі ўдзел у конкурсе да 85-годдзя з дня нараджэння народнага паэта Беларусі Рыгора Барадуліна, які арганізавала Нацыянальная бібліятэка Беларусі. Прадстаўляем частку творчых работ канкурсантаў, прысвечаных тэме “Радзіма і яе лёс”.

Навіны Нацыянальнай бібліятэкі Беларусі

Пра бібліятэку анлайн і “жыўцом” – на тэлеканале “РТР-Беларусь”

3 Жні 2020

У сувязі з успышкай каранавіруснай інфекцыі Нацыянальная бібліятэка Беларусі была зачынена. Аднак супрацоўнікі “алмаза ведаў” не дазволілі сабе расслабіцца ў гэты перыяд, бо пачаўся пік вучэбнай дзейнасці – уся праца праводзілася ў рэжыме анлайн.

Навіны Нацыянальнай бібліятэкі Беларусі

111