ГалоўнаяНавіныДа 100-годдзя літаб'яднання "Маладняк"
Гэты цудоўны свет жывёл: анімалістычны жанр у выяўленчым мастацтве
Памяці Рымы Міхайлаўны Чыгіровай

У бібліятэцы адзначылі Дзень літаб’яднання «Маладняк»

У бібліятэцы адзначылі Дзень літаб’яднання «Маладняк»
Іншыя навіны

16 студзеня ў рамках Дня літаб’яднання «Маладняк» прайшоў круглы стол «Маладнякоўскімі крокамі», святочная імпрэза і адкрыццё ў музеі кнігі выстаўкі, на якой упершыню ў адной экспазіцыі прадстаўлена спадчына маладнякоўцаў.

Круглы стол пачаўся з выступу намесніка генеральнага дырэктара – дырэктара па навуковай рабоце і выдавецкай дзейнасці Аляксандра Сушы, які расказаў прысутным пра рэспубліканскі праект «На хвалі часу, у плыні жыцця», які рэалізуецца ў 2019–2023 гг. Яго ініцыятары – Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом «Звязда» (часопіс «Маладосць»).

Удзел у мерапрыемстве прынялі кіраўнікі сумеснага праекта, сярод якіх – дырэктар – галоўны рэдактар Выдавецкага дома «Звязда» Павел Сухарукаў, дырэктар Дзяржаўнага музея гісторыі беларускай літаратуры Міхаіл Рыбакоў. На пасяджэнні прагучалі выступленні ўдзельнікаў праекта кожнай з арганізацый, былі падведзены вынікі першага года дзейнасці.

Ад Нацыянальнай бібліятэкі Беларусі галоўны бібліёграф інфармацыйна-аналітычнага аддзела Таццяна Лаўрык прадставіла віртуальны праект «На хвалі часу, у плыні жыцця», прымеркаваны да 100-годдзя ўтварэння Усебеларускага літаратурнага аб’яднання «Маладняк». Таццяна Анатольеўна таксама прэзентавала новы раздзел праекта, прысвечаны 115-годдзю з дня нараджэння Уладзіміра Хадыкі. Пра творчую спадчыну пісьменнікаў-маладнякоўцаў У. Дубоўкі і А. Бабарэкі расказаў вядучы бібліятэкар аддзела абслугоўвання спецыялізаванымі фондамі Дзмітрый Давідоўскі. Сярод выступоўцаў была член сям’і пісьменніка Міколы Нікановіча Яўгенія Дзяркач, якая распавяла пра лёс свайго таленавітага родзіча.

На святочнай імпрэзе выступілі дырэктар Беларускага дзяржаўнага архіва-музея літаратуры і мастацтва Ганна Запартыка і дырэктар Інстытута літаратуразнаўства імя Янкі Купалы – філіяла Цэнтра даследаванняў беларускай культуры, мовы і літаратуры НАН Беларусі Іван Саверчанка. Беларуская пісьменніца, настаўніца, літаратуразнаўца Ганна Севярынец расказала пра выбітных пісьменнікаў-маладнякоўцаў А. Бабарэку, П. Труса і іншых.

Асаблівую атмасферу ўдзельнікам літаратурнага вечара падарылі творчыя нумары. Бібліятэку наведалі сайд-праект Naka Piano (Анастасія Шпакоўская і Ірына Кліменка). У іх выкананні прагучалі беларускія песні, сярод якіх – «Адышоўшым» на словы В. Маракова, якая ўжо стала візітоўкай праекта «На хвалі часу, у плыні жыцця» і суправаджае амаль кожную імпрэзу. Артысты народнага літаратурнага тэатра «Жывое слова» пад кіраўніцтвам Алесі Сівохінай падрыхтавалі да святочнай імпрэзы музычны нумар і прачыталі вершы пісьменнікаў 1920-х гг.

Завяршылася мерапрыемства ў музеі кнігі адкрыццём выстаўкі, прысвечанай аб’яднанню «Маладняк» і яго сябрам. Экспанаты прадстаўлены з фондаў трох устаноў – Нацыянальнай бібліятэкі Беларусі, Беларускага дзяржаўнага архіва-музея літаратуры і мастацтва, Дзяржаўнага музея гісторыі беларускай літаратуры.

Матэрыял прадастаўлены інфармацыйна-аналітычным аддзелам і аддзелам сувязей з грамадскасцю.

Навіны

Як трусік Пітэр і Джамайма Крак стварылі першы кніжны мерч

11 Чэр 2021

Пра любое новае захапленне часта хочацца крычаць на ўвесь свет. Зачапіла кніга? Куплю закладкі з цытатамі! Спадабалася музычная група? Хутчэй, трэба купіць футболку з яе лагатыпам! Уразіў новы фільм? Ну, вы зразумелі ход думкі. Чым бы мы ні захапляліся, напэўна ў свеце ўжо ёсць падыходзячы мерч – вопратка, аксесуары і іншыя рэчы з сімволікай. Лічыцца, што эпоха мерчу пачалася з дыснееўскай Беласнежкі і выпуску лялек з галоўнай гераіняй, гномамі і добрымі звярамі-сябрамі. Але мала хто ведае, што першы сапраўдны мерчандайз быў... кніжным. Хвіліначку ўвагі, спадары і спадарыні: сёння мы паглядзім, як трусік Пітэр і Беатрыс Потэр сталі піянерамі ў гэтай няпростай справе і што з гэтага выйшла.

Аўтарскі погляд

Віртуальная чытальная зала НББ для публічных бібліятэк Мінскай вобласці: інфармацыйна-бібліятэчнае абслугоўванне карыстальнікаў у сучасных умовах

10 Чэр 2021

Нацыянальная бібліятэка працягвае серыю мерапрыемстваў, прысвечаных пытанням метадычнага забеспячэння работы публічных бібліятэк розных рэгіёнаў нашай краіны.

Навіны Нацыянальнай бібліятэкі Беларусі

Каштоўнае папаўненне фондаў Нацыянальнай бібліятэкі Беларусі

9 Чэр 2021

Фонды бібліятэкі ўвесь час папаўняюцца, але найбольшую цікавасць і каштоўнасць уяўляюць кнігі і экспанаты, якія трапляюць у галоўнае кнігасховішча краіны з уласных палічак саміх аўтараў ці іх нашчадкаў. Сёння мы рады прадставіць вам такое выданне.

Да 100-годдзя літаб'яднання "Маладняк"

Апублікаваныя відэаматэрыялы сімпозіума “Узаемадзеянне бібліятэк, выдавецтваў і кнігараспаўсюджвальнікаў у Расіі і свеце – вопыт і перспектывы”

9 Чэр 2021

У мерапрыемстве ўзялі ўдзел прадстаўнікі нацыянальных бібліятэк розных краін і спецыялісты выдавецкіх і кнігараспаспаўсюджвальных арганізацый.

Навіны Нацыянальнай бібліятэкі Беларусі

Бібліятэкарам
111