Напярэдадні трагічнай даты пачатку Вялікай Айчыннай вайны супрацоўнікі аддзела экскурсійна-метадычнай работы правялі для выхаванцаў аздараўленчага лагера “Брыганціна” шэраг выязных віртуальных экскурсій з цыкла “Славутыя імёны Бацькаўшчыны” па тэме “Помнім боль і страты твае, Беларусь…”.
Экскурсанты змаглі здзейсніць невялікую віртуальную вандроўку па Нацыянальнай бібліятэцы Беларусі, пазнаёміцца з асноўнымі фактамі з жыцця беларускіх пісьменнікаў-франтавікоў А. Куляшова, П. Панчанкі, М. Танка і І. Шамякіна, выставай кніг з нашых фондаў, копіямі рукапісных баявых лісткоў ваеннай пары. Акрамя таго, выхаванцам было прапанавана выканаць інтэрактыўныя заданні, скласці пазлы з выявамі агітплакатаў ваеннага часу, пачытаць услых вершы на ваенную тэму.
Запрашаем вас таксама стаць удзельнікамі экскурсій цыкла “Славутыя імёны Бацькаўшчыны”, прысвечаных жыццю і творчасці А. Куляшова, М. Танка, П. Панчанкі, І. Шамякіна, В. Быкава, Я. Купалы, Я. Коласа, М. Багдановіча, К. Крапівы, Я. Маўра, М. Зарэцкага, У. Караткевіча, Ф. Багушэвіча, М. Шагала, Ф. Скарыны, князёўны Рагнеды, святой Еўфрасінні Полацкай, і экскурсіі з элементамі тэатралізацыі “Дакрануцца да казкі”.
Заяўкі прымаюцца з 10.00 да 18.00 з панядзелка да суботы.
Тэлефоны для запісу: (8 017) 293 29 66, 293 28 53.
Матэрыял пададзены аддзелам экскурсійна-метадычнай работы.
