16 чэрвеня ў бібліятэцы прайшлі апошнія заняткі з цыкла бясплатных публічных лекцый імідж-дызайнера Кацярыны Макар “Сакрэты стылю”.
Курс уключаў 10 сустрэч, падчас якіх былі разгледжаны тэмы, прысвечаныя гісторыі моды, тэндэнцыям сучаснай моды, асновам стварэння ўласнага іміджу і дзелавога стылю адзення.
Асаблівую цікавасць слухачоў выклікалі лекцыі “Мастацтва быць элегантнай жанчынай”, “Асноўныя стылі адзення па Д. Кібі”, “Колер у гардэробе, правілы спалучэння”, “Роля культавых асоб у фарміраванні моды, якая адлюстроўвае эпоху свайго часу”.
Лектар падзялілася са слухачамі курсу сакрэтамі ўласнага пераўтварэння, якое дзякуючы прафесійнай дапамозе імідж-стыліста можа здзейсніць кожны жадаючы.
Высокі прафесіяналізм і творчая атмасфера, інтэрактыўнасць і нязмушаная абстаноўка спрыялі высокаму ўзроўню правядзення мерапрыемстваў і пакінулі ў слухачоў самыя станоўчыя ўражанні аб курсе заняткаў “Сакрэты стылю”.
Матэрыял пададзены аддзелам абслугоўвання спецыялізаванымі фондамі.
