“Палажэнне аб краязнаўчай дзейнасці бібліятэк Рэспублікі Беларусь” прынята на VІ Форуме бібліятэкараў Беларусі (27‒28 мая 2021 г.). Дакумент падрыхтаваны супрацоўнікамі навукова-даследчага аддзела бібліяграфіі Нацыянальнай бібліятэкі Беларусі, шырока абмеркаваны з рэгіянальнымі бібліятэкамі краіны і адобраны Саветам бібліятэк Беларусі па інфармацыйным узаемадзеянні.
У палажэнні вызначаюцца мэта і задачы краязнаўчай і радзімазнаўчай дзейнасці бібліятэк, разглядаюцца пытанні фарміравання і захавання краязнаўчых фондаў, падыходы да каталагізацыі краязнаўчых і мясцовых дакументаў, арганізацыі бібліятэчна-бібліяграфічнага абслугоўвання, фарміравання даведачна-бібліяграфічнага апарата і стварэння інфармацыйнай прадукцыі, а таксама кірункі навукова-даследчай і праектнай дзейнасці, метадычнага забеспячэння, прамоцыі краязнаўчых ведаў і іншыя аспекты.
Пасяджэнне Савета бібліятэк Беларусі па інфармацыйным узаемадзеянні (21 кастрычніка 2020 г.)
Асаблівая ўвага надаецца праблемам карпаратыўнага ўзаемадзеяння па фарміраванні электронных інфармацыйных рэсурсаў, адлюстравання краязнаўчага кантэнту ў зводных ЭІР (“Нацыянальная бібліяграфія Беларусі”, рэгіянальныя зводныя электронныя каталогі). У дакуменце таксама разгледжаны пытанні каардынацыі краязнаўчай дзейнасці ў межах рэгіёнаў, узаемадзеяння бібліятэк з іншымі мясцовымі арганізацыямі (музеямі, архівамі, навучальнымі ўстановамі), а таксама з краязнаўчай супольнасцю.
Пасяджэнне круглага стала “Арганізацыйныя і нарматыўныя аспекты дзейнасці Беларускай бібліятэчнай асацыяцыі ў новым складзе” ў рамках VI Форуму бібліятэкараў Беларусі
Пазнаёміцца з тэкстам Палажэння аб краязнаўчай дзейнасці бібліятэк Рэспублікі Беларусь можна таксама ў раздзеле “Бібліятэкарам”.
Матэрыял пададзены навукова-даследчым аддзелам бібліяграфіі.
