7 ліпеня 2009 года Нацыянальную бібліятэку Беларусі наведала парламенцкая дэлегацыя Эстонскай Рэспублікі на чале з кіраўніком дэпутацкай групы па парламенцкіх сувязях з Рэспублікай Беларусь Уладзімірам Вельманам.
Члены дэлегацыі пазнаёміліся з асноўнымі напрамкамі дзейнасці бібліятэкі, яе інфармацыйнымі рэсурсамі, тэхнічным абсталяваннем, структурай чытальных залаў, сістэмай абслугоўвання чытачоў, архітэктурнымі асаблівасцямі будынка і афармленнем яго інтэр’ераў.
З вышыні агляднай пляцоўкі госці палюбаваліся панарамай сталіцы. У музеі кнігі ўвазе эстонскай дэлегацыі была прадстаўлена калекцыя рарытэтаў з фондаў Нацыянальнай бібліятэкі Беларусі.
 |
 |
 |
