У рамках VII Міжнароднага кангрэса “Бібліятэка як феномен культуры” прайшоў метадычны семінар “Нацыянальныя аб’екты ў каталогах і базах даных бібліятэк Беларусі: методыка прымянення УДК і аўтарытэтных запісаў”.
Былі разгледжаны даклады аб тэндэнцыях развіцця краязнаўчай дзейнасці абласных бібліятэк Беларусі, аб сучасным стане і перспектывах выкарыстання УДК, аўтаматызаваных сродках атрымання расшыфроўкі і спісаў кодаў беларускамоўнай УДК. Праведзены майстар-класы па методыцы прымянення табліц УДК на беларускай мове для індэксавання дакументаў краязнаўчай тэматыкі, асаблівасцях фарміравання масіва нацыянальных файлаў нацыянальнай базы даных аўтарытэтных запісаў. Па выніках семінара выпрацаваны метадычныя рэкамендацыі па перспектывах развіцця УДК на беларускай мове ў Беларусі.
Матэрыял пададзены аддзелам індэксавання дакументаў і аддзелам вядзення нацыянальнай базы даных аўтарытэтных запісаў.
