15 жніўня бібліяграфічныя запісы, створаныя дзяржаўнай установай культуры “Светлагорская раённая сетка бібліятэк”, папоўнілі Рэгіянальны зводны электронны каталог (РЗЭК) бібліятэк Гомельскай вобласці, а ўстанова далучылася да рэгіянальнай сеткі сістэмы карпаратыўнай каталагізацыі.
Дзякуючы гэтаму зводны інфармацыйны рэсурс павялічыўся больш чым на 29 тыс. запісаў на кніжныя выданні, выяўленчыя і электронныя дакументы з фондаў Светлагорскай цэнтральнай раённай бібліятэкі.
Запрашаем на сайт РСЭК бібліятэк Гомельскай вобласці. Жадаем вам зручнага і аператыўнага пошуку неабходнай інфармацыі.
