29 красавіка ў дзіцячым пакоі прайшлі творчыя заняткі “Зебра на палянцы”, на якіх дзеці зрабілі карціну ў змешанай тэхніцы.
З дапамогай васковай крэйды і акварэльных фарбаў дзеці стварылі фон вырабу і размалявалі фігурку зебры. Грыўку і хвосцік выразалі з ватных дыскаў. Упрыгожаннем для яркай зялёнай паляны паслужылі кветкі з паперы. Спалучаючы малюнак і аплікацыю, юныя ўдзельнікі навучыліся рабіць аб’ёмную кампазіцыю.
Загадкі, фізкультхвілінка і пазнавальны аповед пра тое, дзе жывуць, чым харчуюцца зебры і для чаго ім патрэбны палоскі, зрабілі творчы працэс разнастайным і займальным.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
