Напярэдадні свята вясны і працы прапануем звярнуцца да віртуальнай калекцыі Нацыянальнай бібліятэкі Беларусі, у якой прадстаўлены паштоўкі да 1 Мая.
Свята было доўгачаканым: гарады ўпрыгожваліся загадзя, з раніцы людзі ішлі на дэманстрацыю, дзе сустракаліся са сваімі роднымі, сябрамі, калегамі, віншавалі перадавікоў працы, а пасля хадзілі ў госці адзін да аднаго, дарылі падарункі. Знакаміты першамайскі лозунг “Мир! Труд! Май!” памятаюць і сёння.
Група мастакоў-супрэматыстаў. Эскіз дэкарыроўкі трамвая да святкавання 1 мая 1920 года ў г. Віцебску. Паштоўка з фондаў Нацыянальнай бібліятэкі Беларусі.
У Рэспубліцы Беларусь 1 Мая адзначаецца як Свята працы, якое з’яўляецца агульнарэспубліканскім святочным днём.
У наш час 1 Мая па традыцыі з’яўляецца выходным днём і звязаны з абуджэннем прыроды, вясновым настроем, з пачаткам дачных клопатаў і працай па добраўпарадкаванню. У фондах Нацыянальнай бібліятэкі захоўваецца больш за 480 выяўленчых матэрыялаў, прысвечаных гэтай тэме.
Запрашаем да прагляду віртуальнай калекцыі паштовак з фондаў Нацыянальнай бібліятэкі. Некаторыя, гледзячы на іх, успомняць сваё мінулае і родных, з якімі некалі святкавалі Першамай. Сучаснай жа моладзі будзе карысна даведацца пра гэтае свята і яго гісторыю.
Віншуем са Святам працы і жадаем усім добрага настрою, новых здзяйсненняў і працоўных дасягненняў!
Матэрыял пададзены інфармацыйна-аналітычным аддзелам.