30 верасня ў дзіцячым пакоі прайшлі творчыя заняткі “Восеньскае лісце”, на якіх дзеці з дапамогай пластыліну стварылі яркую кампазіцыю ў тэхніцы пластылінаграфіі.
Юныя ўдзельнікі даведаліся, што маляваць карціны можна не толькі фарбамі, але і пластылінам. На пластыкавай паверхні яны намалявалі чорным маркерам дубовы, кляновы і бярозавы лісточкі і, падабраўшы восеньскія колеры, размалявалі іх пластылінам, не выходзячы за контуры.
Разглядаючы ілюстрацыі кнігі Галіны Шалаевай “Времена года”, дзеці расказалі, якія змены адбываюцца ў прыродзе з надыходам восені.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
