Да сістэмы Зводнага электроннага каталога бібліятэк Беларусі далучыўся Рэгіянальны зводны электронны каталог бібліятэк Брэсцкай вобласці (РСЭК).
Ён створаны на базе лакальных электронных каталогаў Брэсцкай абласной бібліятэкі імя М. Горкага, а таксама бібліятэк Цэнтралізаванай бібліятэчнай сістэмы г. Баранавічы і Кобрынскай раённай цэнтралізаванай бібліятэчнай сістэмы.
У РСЭК увайшлі бібліяграфічныя запісы на кнігі, брашуры, аўдыя-, відэа- і выяўленчыя дакументы, аўтарэфераты дысертацый, артыкулы па краязнаўстве, нотныя і картаграфічныя выданні, а таксама электронныя дакументы.
Запрашаем карыстацца дадзеным рэсурсам для пошуку матэрыялаў, якія вас цікавяць.