25 красавіка на факультэце інфармацыйна-дакументных камунікацый Беларускага дзяржаўнага ўніверсітэта культуры і мастацтваў адбылася прэзентацыя інфармацыйнага рэсурсу “Беларусь у інфармацыйнай прасторы” віртуальнай чытальнай залы Нацыянальнай бібліятэкі Беларусі.
Супрацоўнікі аддзела карпаратыўнага ўзаемадзеяння НББ Вячаслаў Брычкоўскі і Любоў Даніленка пазнаёмілі студэнтаў з магчымасцямі сайта як навігатара па самых аўтарытэтных беларускіх электронных інфармацыйных рэсурсах, якія аб’ектыўна адлюстроўваюць жыццё нашай краіны. Будучыя бібліятэкары былі азнаёмлены са структурай і кантэнтам сайта. Асаблівую цікавасць у прысутных выклікаў раздзел, які прадстаўляе спасылкі на інфармацыйныя рэсурсы бібліятэк і музеяў, а таксама каляндар найважнейшых мерапрыемстваў міжнароднага ўзроўню, якія адбудуцца ў Рэспубліцы Беларусь у 2019 г.
На прэзентацыі прысутнічала 12 валанцёраў II Еўрапейскіх гульняў, увагу якіх прыцягнуў раздзел “Для гасцей і ўдзельнікаў II Еўрапейскіх гульняў”.
Пасля прэзентацыі адбыўся абмен думкамі пра перспектывы развіцця рэсурсу, магчымасці яго выкарыстання ў навучальным працэсе, навукова-даследчай і валанцёрскай працы. У абмеркаванні прынялі ўдзел прафесар кафедры бібліятэчна-інфармацыйнай дзейнасці факультэта інфармацыйна-дакументных камунікацый Валянціна Саітава і старшы выкладчык кафедры інфармацыйных рэсурсаў і камунікацый Святлана Маланухіна.
Матэрыял прадастаўлены аддзелам карпаратыўнага ўзаемадзеяння.