ГалоўнаяНавіныНавіны Нацыянальнай бібліятэкі Беларусі
Прадстаўляем новы віртуальны праект бібліятэкі “Станіслаў Манюшка. Музычны рамантык з Міншчыны”
Прэзентацыя сайта “Беларусь у інфармацыйнай прасторы” ў БДУКіМ

Пасяджэнне Ваенна-навуковага таварыства да 75-годдзя вызвалення Рэспублікі Беларусь ад нямецка-фашысцкіх захопнікаў

Пасяджэнне Ваенна-навуковага таварыства да 75-годдзя вызвалення Рэспублікі Беларусь ад нямецка-фашысцкіх захопнікаў
Іншыя навіны

24 красавіка адбылося пасяджэнне Ваенна-навуковага таварыства (ВНТ) пры Цэнтральным доме афіцэраў Узброеных Сіл Рэспублікі Беларусь, у якім прыняў удзел супрацоўнік Нацыянальнай бібліятэкі Беларусі.

Андрэй Бараноўскі, галоўны бібліёграф НДА бібліяграфіі Нацыянальнай бібліятэкі Беларусі, гісторык-краязнавец, аўтар кнігі “Лепельское пехотное училище”, напярэдадні 80-гадовага юбілею гэтай незаслужана забытай ваеннай навучальнай установы расказаў пра гісторыю яго стварэння і дзейнасці з 1940 па 1957 г. Сваё выступленне ён прысвяціў памяці курсантаў і афіцэраў вучылішча, якія загінулі ў баях за Радзіму ў час Вялікай Айчыннай вайны.

Лепельскае пяхотнае вучылішча, да вайны сфармаванае на беларускай зямлі, з 1941 г. працягвае сваю працу ў горадзе Чарапаўцы Валагодскай вобласці. Андрэй Леанідавіч прапанаваў да 75-й гадавіны вызвалення Рэспублікі Беларусь ад нямецка-фашысцкіх захопнікаў усталяваць на былых казармах вучылішча ў пасёлку Бароўка Лепельскага раёна Віцебскай вобласці памятную мемарыяльную дошку.

Пасяджэнне прайшло пад кіраўніцтвам кандыдата гістарычных навук, дацэнта, палкоўніка ў адстаўцы Леаніда Цыганкова. На сустрэчы прысутнічалі сын аднаго з курсантаў Лепельскага пяхотнага вучылішча даваеннага перыяду Аляксандр Герасіменка, а таксама выдавец, ваенны гісторык, пошукавік Дзмітрый Кіенка і інш.

Актыўны ўдзел у абмеркаванні прынялі члены ваенна-гістарычнай секцыі ВНТ.

Матэрыял прадаставіў сакратар Савета ВНТ пры ЦДА УС РБ, падпалкоўнік у адстаўцы Уладзімір Шэін.

Фота Мікалая Шарая.

Навіны

Віртуальны ваяж па тэатрах нашай краіны – з вэб-сайтам “Беларусь у інфармацыйнай прасторы”

20 Ліс 2019

Запрашаем наведаць тэатральную старонку навігатара “Беларусь у інфармацыйнай прасторы”. Тут вы знойдзеце інфармацыю аб музычных, драматычных, лялечных і іншых тэатрах Рэспублікі Беларусь, якія ставяць спектаклі для гледачоў розных узростаў: ад 3-х да 103-х гадоў.

Навіны Нацыянальнай бібліятэкі Беларусі

Росчырк Марка Шагала і асабісты подпіс Віктора Гюго – рэдкія асобнікі ў фондах Нацыянальнай бібліятэкі

18 Ліс 2019

А ці ведаеце вы, што ў Нацыянальнай бібліятэцы ёсць выданні з аўтографамі вядомых асоб – Сальвадора Далі, Марка Шагала, Віктора Гюго, Васіля Быкава і многіх іншых? Як знайсці гэтыя пярліны фондаў, раскажам у нашым матэрыяле.

Аўтарскі погляд

111