12 снежня адбылася прэзентацыя інтэрнэт-рэсурсу “Ніна Варфаламееўна Каляда (1903-1983): «Я ніколі не забывала бібліятэку...»”.
Ніна Варфаламееўна Каляда – вядомы бібліёграф і бібліятэказнаўца, якая 20 гадоў жыцця прысвяціла працы ў Дзяржаўнай бібліятэцы БССР імя У.І. Леніна. Яна ўвайшла ў шэраг бібліёграфаў-прафесіяналаў, якія закладвалі асновы і традыцыі бібліяграфічнай дзейнасці.
З прывітальным словам да прысутных звярнуўся Віктар Пшыбытка, намеснік генеральнага дырэктара – дырэктар па інфармацыйных рэсурсах і абслугоўванні карыстальнікаў. Ён адзначыў важнасць стварэння рэсурсаў, якія раскрываюць інтэлектуальны патэнцыял супрацоўнікаў Нацыянальнай бібліятэкі Беларусі, якія ўнеслі значны ўклад у яе станаўленне і развіццё.
Прэзентацыю электроннага рэсурсу, які стаў часткай віртуальнага праекта “Вядомыя імёны”, правёў Андрэй Бараноўскі, галоўны бібліёграф навукова-даследчага аддзела бібліяграфіі. У сваім выступленні ён падзяліўся тым, як праводзілася пошукавая работа па ўстанаўленні невядомых фактаў біяграфіі Ніны Варфаламееўны і перадаў у музей кнігі копіі дакументаў, выяўленых у архівах.
На мерапрыемстве прысутнічала Таццяна Балейшыс, сваячка Н.В. Каляды.
Матэрыял пададзены навукова-даследчым аддзелам бібліяграфіі.
