У рамках святкавання 75-годдзя Вялікай Перамогі аддзел экскурсійна-метадычнай работы бібліятэкі прадстаўляе новую экскурсію з цыкла “Славутыя імёны Бацькаўшчыны” па творчасці пісьменніка-франтавіка Васіля Быкава.
Захапляльная экскурсія знаёміць з найцікавымі падрабязнасцямі жыцця і творчасці знакамітага беларускага пісьменніка. Пра сям’ю, вучобу, станаўленне таленту і светаўспрымання, ваенныя гады, пачатак творчага шляху, літаратурных творах, знятых паводле іх фільмах і іншых фактах біяграфіі Васіля Быкава можна даведацца з прэзентацыі, якая даступна для скачвання. А відэаролік пра экскурсію дае магчымасць пазнаёміцца з яе фрагментамі.
Цыкл інтэрактыўных вучэбна-пазнавальных экскурсій “Славутыя імёны Бацькаўшчыны” прысвечаны дзеячам айчыннай культуры і падрыхтаваны з улікам школьнай праграмы і юбілейных дат. Кожная экскурсія рыхтуецца на аснове інфармацыйных рэсурсаў і фондаў Нацыянальнай бібліятэкі. Праводзяцца экскурсіі ў форме інтэрактыўных заняткаў з выкарыстаннем прэзентацый, творчых заданняў, віктарын і інш.
Даступны для скачвання і прэзентацыі пра іншых дарагіх для кожнага беларуса дзеячаў культуры: Ф. Скарыну, Я. Коласа, Я. Купалу, М. Багдановіча, Я. Маўра, К. Крапіву, М. Зарэцкага, М. Шагала, Ул. Караткевіча.
Экскурсіі адрасаваны школьнікам і студэнтам, а таксама ўсім, хто цікавіцца айчынай культурай. Жывыя і інтэрактыўныя, экскурсіі абуджаюць цікаўнасць да жыцця знакамітых беларусаў, чытання іх літаратурных твораў.
Тэлефоны для даведак: (8 017) 293 29 30, 293 28 53.
E-mail: ekskursii@nlb.by