ГалоўнаяМерапрыемствыЦыкл экскурсій “Славутыя імёны Бацькаўшчыны”
Увага: “ажыўшыя кнігі” ў бібліятэцы!
Запрашаем школьнікаў на квест “Кніжны лабірынт”

Цыкл экскурсій “Славутыя імёны Бацькаўшчыны”

Цыкл экскурсій “Славутыя імёны Бацькаўшчыны”
Іншыя мерапрыемствы

2018 год у Рэспубліцы Беларусь аб’яўлены Годам малой радзімы. Для кожнага чалавека малая радзіма – гэта тое месца, дзе ён нарадзіўся і вырас, дзе ўпершыню ўсвядоміў сябе асобай. Памятаць свае карані, захоўваць традыцыі і памнажаць культурныя каштоўнасці – абавязак кожнага грамадзяніна нашай краіны.

Нацыянальная бібліятэка Беларусі ў рамках Года малой радзімы запрашае на экскурсіі “Славутыя імёны Бацькаўшчыны”, прысвечаныя жыццю і творчасці Я. Купалы, Я. Коласа, Я. Маўра, М. Багдановіча, К. Крапівы, Ф. Скарыны, М. Шагала. Экскурсанты атрымаюць унікальную магчымасць пазнаёміцца з цікавымі фактамі з біяграфіі выдатных асоб, месцамі, адкуль яны родам. Увазе наведвальнікаў будуць прадстаўлены кнігі, плакаты, паштоўкі, фатаграфіі і фотарэпрадукцыі з фондаў бібліятэкі.

Падчас экскурсіі госці пазнаёмяцца з архітэктурнымі асаблівасцямі будынка , сістэмай заказу, дастаўкі і выдачы дакументаў, наведаюць музей кнігі і адной з чытальных залаў.

Групы фарміруюцца колькасцю да 15 чалавек. Экскурсіі праводзяцца па папярэднім запісе з 10.00 да 18.00 з аўторка па суботу.

Кошт для групы да 15 чалавек – 20 руб.

Навучэнцам і студэнтам прадастаўляецца скідка 35 % – 13 руб.

Запіс па тэлефонах: (8 017) 293 29 66, 293 28 53.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Партызанскі архіў: бібліятэка прэзентуе мультымедыйныя выданні

15.11.2019

19 лістапада а 16-й гадзіне ў бібліятэцы адбудзецца прэзентацыя першага выпуску серыі мультымедыйных выданняў “Партызанскі архіў” – электроннага дакументальнага выдання “Аператыўныя і разведвальныя зводкі Беларускага штаба партызанскага руху: 1944 год” – сумеснага праекта Нацыянальнага архіва Рэспублікі Беларусь і Нацыянальнай бібліятэкі Беларусі. Выданне прымеркавана да 75-годдзя вызвалення Беларусі ад нямецка-фашысцкіх захопнікаў.

Мастак лірыкі і драмы

14.11.2019

З 14 лістапада па 3 лютага ў зале нотных і аўдыявізуальных дакументаў (пам. 305) праходзіць выстаўка “Мастак лірыкі і драмы”, прысвечаная 100-годдзю з дня нараджэння Мечыслава Вайнберга.

Таямніцы парыжскіх падмосткаў

14.11.2019

З 14 лістапада па 10 снежня ў зале дакументаў па мастацтве (пам. 306) праходзіць кніжна-ілюстрацыйная выстаўка “Таямніцы парыжскіх падмосткаў”, прысвечаная 155-годдзю з дня нараджэння выдатнага французскага жывапісца і графіка Анры дэ Тулуз-Латрэка (1864–1901).

Спектакль у бібліятэцы: малышам паказалі казку пра сапраўднае сяброўства

06.11.2019

“Як забавіць дзіця на канікулах?” – думаюць выхавальнікі, настаўнікі і бацькі школьнікаў. Але пастаянных гасцей Нацыянальнай бібліятэкі Беларусі не турбуе гэтае пытанне. Яны ведаюць, што іх малышэй чакаюць займальныя спектаклі ў нашай канферэнц-зале.

Перамагчы дыябет!

13.11.2019

З 13 лістапада па 18 снежня ў зале дакументаў міжнародных арганізацый (пам. 207g) працуе тэматычная кніжная выстаўка “Перамагчы дыябет!”, прысвечаная Сусветнаму дню барацьбы з дыябетам.

Размова з адвакатам аб зваротах грамадзян

15.11.2019

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



111