17 верасня ў Нацыянальнай бібліятэцы Беларусі адбылася перадача кніг Бібліятэкай Кангрэса ЗША Нацыянальнай бібліятэцы Беларусі.
Арганізатары мерапрыемства – Нацыянальная бібліятэка Беларусі і Пасольства ЗША ў Рэспубліцы Беларусь.
Бібліятэка Кангрэса ЗША перадала Нацыянальнай бібліятэцы Беларусі каля 1 000 амерыканскіх выданняў на англійскай, іспанскай і нямецкай мовах. Бібліятэчныя фонды папоўнілі навуковыя манаграфіі і папулярныя выданні па гісторыі культуры, мастацтва і архітэктуры ЗША.
У мерапрыемстве бралі ўдзел намеснік міністра культуры Рэспублікі Беларусь Віктар Кураш, Часовы Павераны ЗША у Рэспубліцы Беларусь Майкл Скэнлан, дырэктар Нацыянальнай бібліятэкі Беларусі Раман Матульскі.