Нацыянальная бібліятэка Беларусі прапануе новую унікальную паслугу – наведванне адкрытай агляднай пляцоўкі з выкарыстаннем бінокля панарамнага віду.
Бінокль панарамнага віду DigiFox DFC 30х80 з набліжэннем у 30 разоў мае вялікую распазнавальную здольнасць і шырокі вугал агляду, што дазваляе атрымаць якасную выяву аддаленых аб’ектаў з вялікай вышыні. Працуе бінокль пры дапамозе жэтона.
Паслуга па сваёй спецыфіцы не мае аналагаў на тэрыторыі Рэспублікі Беларусь.
У паслугу ўваходзіць пад’ём на панарамным ліфце, знаходжанне на адкрытай і закрытай пляцоўках (1 гадзіна), выкарыстанне бінокля панарамнага віду (3 хвіліны). Дазваляецца фотаздымка і відэазапіс. Кошт паслугі – 5 000 рублёў. Наведванне агляднай пляцоўкі ажыццяўляецца незалежна ад экскурсій па будынку бібліятэкі.
Выгаднае ландшафтнае размяшчэнне Нацыянальнай бібліятэкі Беларусі, якая стала візітнай карткай сталіцы, робіць аглядную пляцоўку прывабным турыстычным аб’ектам. Цудоўныя віды сталіцы і яе наваколля, што адкрываюцца з вышыні больш за 70 метраў, уражваюць у любы час года. Прадугледжаны наведванні ў святочныя дні для прагляду салютаў і феерверкаў.
Пад’ём на аглядную пляцоўку ажыццяўляецца на ўмяшчальным панарамным ліфце фінскай фірмы “KONE”, які мае празрыстую шкляную прызматычную сценку, што дазваляе перажыць адчуванне палёту.
Наведвальнікам прадастаўляецца магчымасць пабываць як на адкрытай частцы агляднай пляцоўкі на 23-м паверсе, так і на закрытай яе частцы на 22-м паверсе, дзе знаходзіцца мастацкая галерэя і ўтульнае кафэ.
Усё гэта разам з хуткім і прыемным абслугоўваннем робіць аглядную пляцоўку Нацыянальную бібліятэку Беларусі прывабным месцам для правядзення вольнага часу, неад’емным пунктам экскурсіі па Мінску, крыніцай незабыўных уражанняў.
Кантактны тэлефон: 293-29-52.
 |
 |
