9 ліпеня 2009 года ў Нацыянальнай бібліятэцы Беларусі прайшлі экскурсіі для ўдзельнікаў рэспубліканскай краязнаўчай алімпіяды, якая праводзілася ў рамках рэспубліканскай акцыі навучэнцкай моладзі “Жыву ў Беларусі і тым ганаруся”.
Удзельнікі алімпіяды традыцыйна наведваюць бібліятэку з 2006 года. У гэтым годзе экскурсіі былі праведзены для 100 чалавек.
Наведвальнікаў пазнаёмілі з асобнымі старонкамі гісторыі галоўнай кніжнай скарбніцы краіны, з асаблівасцямі арганізацыі бібліятэчнага абслугоўвання карыстальнікаў, прадэманстравалі інфармацыйна-пошукавыя сістэмы бібліятэкі: картачныя каталогі і картатэкі, электронны каталог і праблемна-арыентаваныя базы даных.
Завяршылася экскурсія наведваннем музея кнігі, а таксама знаёмствам з сучаснай графікай, прадстаўленай у мастацкай галерэі “Атрыум”.
 |
 |
 |
