22 мая адбыліся музейныя заняткі на выставе “Чырвоная кніга”. Гасцямі сустрэчы сталі стваральнікі арт-кнігі – мастакі Марына Жвірбля і Фёдар Шурмялёў.
У музеі кнігі дзеткі разглядалі арт-выданне “Чырвоная кніга”, дзе размешчаны ліставыя гравюры з выціснутымі выявамі жывёл і клішэ, з якіх яны друкавалася.
На занятках удзельнікі даведаліся:
- што такое арт-кніга;
- што такое гравюра;
- чаму ў “Чырвонай кнізе” выявы жывёл проста выціснутыя на белай паперы і ледзь праглядаюцца, нібы знікаючы;
- як мастацкімі сродкамі можна прыцягнуць увагу да праблем экалогіі і неўсвядомленага спажывання прыродных рэсурсаў.
Маленькіх наведвальнікаў вельмі захапіў майстар-клас па тэхніцы ціснення на афортным станку. Яны друкавалі жыхароў “Чырвонай кнігі” – дзесяць жывёл з розных куткоў нашай планеты, якія знаходзяцца пад пагрозай знікнення. Выявы былі проста выціснутыя на белай паперы. Дзеткі вырашылі зрабіць выявы яркімі і размаляваць, такім чынам паказалі прыгажосць жывёльнага свету і заклікалі задумацца аб наступствах нядбайнага стаўлення чалавека да прыроды.
Сустрэча арганізавана ў рамках праекта “Клуб кніжных прафесараў”.
Чытайце таксама пра іншыя мерапрыемствы ў музеі кнігі.
Матэрыял пададзены навукова-даследчым аддзелам кнігазнаўства.
