24 кастрычніка ў дзіцячым пакоі прайшлі заняткі “Мультчытайка” па казцы Дж. Радары “Прыгоды Чыпаліны”.
Разам з героем казкі – смелым, безжурботным і гарэзлівым Чыпалінам, дзеці адправіліся ў падарожжа па дзіўнай фруктова-агародніннай краіне.
Пасля прачытання ўрыўкаў з кнігі і прагляду аднайменнага мультфільма, хлопчыкі і дзяўчынкі адказалі на пытанні віктарыны, адгадалі анаграмы з імёнамі персанажаў казкі.
Дзецям асабліва спадабалася гульня “Пазнай героя”, дзе яны апісалі самыя яркія рысы характару Чыпаліны і яго сяброў Радыскі, Вішанькі і Гарбуза.
Напрыканцы мерапрыемства ўсе ўдзельнікі атрымалі ў падарунак маляўнічую налепку з выявай Чыпаліны.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.