ГалоўнаяНавіныНавіны Нацыянальнай бібліятэкі Беларусі
“Мультчытайка” паводле казкі “Прыгоды Чыпалiны”
Запіс на першы курс “Клуба кніжных прафесараў”

Скарыназнаўства ў Францыі

Скарыназнаўства ў Францыі
Іншыя навіны

23 кастрычніка адбыўся рэальна-віртуальны навуковы круглы стол, прысвечаны кнігазнаўчым даследаванням ў Францыі. Вядучым экспертам мерапрыемства выступіла Вольга Шутава, кіраўнік Лабараторыі скарыназнаўства і валарызацыі даследаванняў гісторыі культуры Беларусі (Парыж, Францыя), кандыдат гістарычных навук.

Удзельнікі круглага стала мелі магчымасць падрабязна дазнацца пра канцэпцыю і актуальную дзейнасць Лабараторыі скарыназнаўства і валарызацыі даследаванняў гісторыі культуры Беларусі, якае дае ўнікальную платформу для публікацыі і каардынацыі даследаванняў, аб’ядноўвае навукоўцаў, якія цікавяцца жыццём і творчасцю Францыска Скарыны і беларускімі даследаваннямі ў цэлым, падзяліцца сваімі ідэямі, праектамі і дасягненнямі. Фармат мерапрыемства прадугледжваў дыскусію, абмен думкамі і вопытам, абмеркаванне праблемных момантаў у развіцці кнігазнаўства і перспектыўных сумесных праектаў.

Вольга Шутава прадставіла даклад “Інтэлектуальны пейзаж «Бивлии» Скарыны: кантэкст, персаналіі, тэмы і ўплывы”. Даследчыца сканцэнтравала ўвагу на наступных пытаннях:

  • Скарыназнаўства як частка “гісторыі ідэй”: неабходнасць рэнавацыі і новыя магчымасці даследаванняў.
  • Храналагічныя і кантэкстуальныя меркаванні: студэнцкія гады Францішка Скарыны.
  • Падуанскі перыяд і дыскурс неаплатанізму.
  • Мастацкае афармленне “Бивлии рускай” Францыска Скарыны ў кантэксце рэнесансу: змест і магчымыя вытокі знака “сонца-месяц”.
  • Мультылінгвістычны характар ініцыялаў “Бивлии” Францыска Скарыны.

Запіс круглага стала на канале YouTube можна глядзець тут.

Мерапрыемства арганізавана дзякуючы падтрымцы праекта Еўрапейскага Саюза МОЅТ.

Матэрыял пададзены навукова-даследчым аддзелам кнігазнаўства.

Навіны

Адкрыйце для сябе мастака Караткевіча на выстаўцы “Княства вобразаў і слоў”

25 Ліс 2020

26 лістапада ў бібліятэцы пачне работу выстаўка “Княства вобразаў і слоў”, прымеркаваная да 90-годдзя з дня нараджэння класіка беларускай літаратуры Уладзіміра Сямёнавіча Караткевіча.

Выставачныя мультыпраекты

Запрашаем далучыцца да анлайн-прэзентацыі даследавання Берасцейскай Бібліі

25 Ліс 2020

25 лістапада адбудзецца прэзентацыя манаграфіі "Асэнсаванне шэдэўра. Берасцейская Біблія", прымеркаваная да 80-годдзя Брэсцкай абласной бібліятэкі.

Навіны Нацыянальнай бібліятэкі Беларусі

Выкладчыкі раяць: што чытаць, каб не забыць сваю англійскую, нямецкую і нават чэшскую мову

24 Ліс 2020

У сучасным свеце без ведання замежных моў не абысціся. Але колькі б намаганняў мы ні прыкладалі вывучаючы мовы, наша памяць з часам бязлітасна пазбаўляецца ад усяго слоўнікавага запасу, варта хоць на месяц перастаць практыкавацца. Дык што ж рабіць? Адказ: чытаць, вядома. Выкладчыкі моўнай школы LinguaLand склалі для вас выдатную падборку кніг, якія не толькі падтрымаюць ваш узровень ведаў, але і захопяць самой гісторыяй. Так што хапайце слоўнікі і свае чытацкія білеты: мы ідзём вучыцца!

Аўтарскі погляд

24 лістапада спаўняецца 80 гадоў Тамары Канстанцінаўне Радзевіч, ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы

24 Ліс 2020

Тамара Канстанцінаўна нарадзілася ў горадзе Мінску ў сям'і служачага. Калі пачалася Вялікая Айчынная вайна, бацька Тамары пайшоў на фронт, а маці з сям’ёй вымушана была эвакуіравацца на Урал. Як і многія жыхары Беларусі, дзяўчынка перажыла ўсе жахі вайны.

Партрэты: гісторыя бібліятэкі ў асобах

111