6 чэрвеня а 17-й гадзіне ў мабільнай галерэі Нацыянальнай бібліятэкі Беларусі (3-ці паверх) адбудзецца адкрыццё выстаўкі “Крыло Надзеі”.
Выстаўка “Крыло Надзеі” сфарміравана з работ мастакоў, якія пражываюць у Мінскім псіханеўралагічным доме-інтэрнаце № 2. Сёння гэтая творчасць называецца “Арт-брут” (неапрацаванае, неаграненае мастацтва) або “Аўтсайдар-арт” (мастацтва іншых).
Творчасць “аўтсайдараў” – гэта магчымасць узаемнага духоўнага ўзбагачэння. Вывучаючы работы такіх мастакоў, глядач знаёміцца з асобым спосабам бачання, што, магчыма, пашырае яго далягляд.
На выстаўцы прадстаўлены работы пяці аўтараў. Карціны выкананы ў розных тэхніках: пастэль, алей, графіка. Для адных гэтая выстаўка можа стаць сапраўдным адкрыццём, а іншым падорыць надзею на разуменне.
Выстаўка будзе доўжыцца да 17 чэрвеня 2012 г.
Кантактны тэлефон: (375-17) 293-28-33.
E-mail: pr@nlb.by