ГалоўнаяНавіныНавіны Нацыянальнай бібліятэкі Беларусі
Час у люстэрку экрана
Арт-крок – 2009

Кніжны збор роду Храптовічаў

Кніжны збор роду Храптовічаў
Іншыя навіны

9 снежня ў галерэі “Лабірынт” Нацыянальнай бібліятэкі Беларусі адбылася прэзентацыя электроннага выдання “Книжное собрание рода Хрептовичей”.


Праект віртуальнай рэканструкцыі збору Храптовічаў здзейснены дзякуючы супрацоўніцтву Нацыянальнай бібліятэкі Беларусі і Нацыянальнай бібліятэкі Украіны імя У.І. Вярнадскага пры падтрымцы ЮНЕСКА.

Электроннае выданне “Книжное собрание рода Хрептовичей” прысвечана радавой бібліятэцы графаў Іоахіма Літавора і Адама Храптовічаў, выдатных дзяржаўных, ваенных, палітычных і рэлігійных дзеячаў. Калекцыя збіралася на працягу ХVІІІ–ХІХ стст., налічвае на дадзены момант больш за 2 000 экзэмпляраў кніг і захоўваецца ў Нацыянальнай бібліятэцы Украіны імя У.І. Вярнадскага.

У мерапрыемстве прынялі ўдзел Надзвычайны і Паўнамоцны Пасол Украіны ў Рэспубліцы Беларусь І.Д. Ліхавы, старшыня Нацыянальнай камісіі Рэспублікі Беларусь па справах ЮНЕСКА У.Р. Шчасны, намеснік дырэктара па навуковай рабоце і сувязях з грамадскасцю Нацыянальнай бібліятэкі Беларусі Л.Г. Кірухіна, намеснік генеральнага дырэктара Нацыянальнай бібліятэкі Украіны імя У.І. Вярнадскага Л.В. Муха, загадчык навукова-даследчага аддзела кнігазнаўства Нацыянальнай бібліятэкі Беларусі Г.У. Кірэева, загадчык аддзела старадрукаваных і рэдкіх выданняў Нацыянальнай бібліятэкі Украіны імя У.І. Вярнадскага Г.І. Кавальчук, старшыня Беларускага фонду культуры У.А. Гілеп.

Сваёй музычнай творчасцю гасцей парадавалі ўдзельнікі ўзорнага тэатра танца “Фрески” і эстраднай студыі “Натали” Мінскага дзяржаўнага палаца дзяцей і моладзі.

У рамках прэзентацыі электроннае выданне “Книжное собрание рода Хрептовичей” было перададзена Нацыянальнай бібліятэцы Украіны імя У.І. Вярнадскага, Нацыянальнай камісіі Рэспублікі Беларусь па справах ЮНЕСКА, Пасольству Украіны ў Рэспубліцы Беларусь, Беларускаму фонду культуры, Цэнтральнай навуковай бібліятэцы імя Я. Коласа НАН Беларусі.

Навіны

Падведзены вынікі XXIX Рэспубліканскага конкурсу “Бібліятэка – асяродак нацыянальнай культуры”

14 Май 2021

14 мая ў Нацыянальнай бібліятэцы Беларусі ў анлайн рэжыме адбылося паседжанне журы па падвядзенні вынікаў XXIX Рэспубліканскага конкурсу “Бібліятэка – асяродак нацыянальнай культуры”.

Навіны Нацыянальнай бібліятэкі Беларусі

Ад радыё да падкаста: гісторыя агучанай літаратуры

14 Май 2021

Чытанне – не самае простае хобі. Яно займае шмат часу, бо не кожны можа засяродзіцца на кнізе ў вагоне метро, часам паглыбленне ў свет літаратуры павінна адбывацца ў вельмі асаблівых умовах, у цішыні і за зачыненымі дзвярыма. Побыт паглынае нас з галавой, а чытаць так хочацца! Вось і прыходзяць на дапамогу аўдыякнігі. Але адкуль яны ўзяліся і да чаго ўсё вядзе? Давайце паглядзім на гісторыю гэтага незвычайнага фармату літаратуры – аўдыя.

Аўтарскі погляд

13 Май 2021

Якім запомніўся Змітрок Бядуля па кароткіх звестках з падручнікаў і хрэстаматый? Калі арыентавацца толькі на школьную праграму, вобраз пісьменніка падаецца няпоўным. У яго шмат твораў на рэлігійную тэму, з якіх відаць, што літаратар добра ведаў Біблію, а хрысціянскае светаадчуванне было для яго натуральным. Так, піша пра нараджэнне Хрыста – і не ў рэчышчы высмейвання, а з пачуццём замілавання і захаплення, глыбокага перажывання рэлігійнага таемства.

Навіны бібліятэк

Віртуальная чытальная зала НББ для бібліятэк Віцебшчыны: інфармацыйныя рэсурсы і патэнцыял аддаленага абслугоўвання

13 Май 2021

Працягваем серыю віртуальных сустрэч з публічнымі бібліятэкамі з розных рэгіёнаў Беларусі. 13 мая прайшоў анлайн-семінар “Магчымасці выкарыстання рэсурсаў віртуальнай чытальнай залы Нацыянальнай бібліятэкі Беларусі ў інфармацыйным бібліятэчным абслугоўванні карыстальнікаў бібліятэк Віцебскай вобласці”.

Навіны Нацыянальнай бібліятэкі Беларусі

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

Бібліятэкарам
111