20 сакавіка ў рамках семінара “Бібліятэкі і кніжная культура Беларусі: з мінулага ў будучыню” дырэктар Нацыянальнай бібліятэкі Беларусі Раман Матульскі і загадчыца навукова-даследчага аддзела бібліятэказнаўства Марына Пшыбытка наведалі сельскую бібліятэку пасёлка Высокае Аршанскага раёна.
Загадчыца бібліятэкі Ірына Хараненка распавяла пра ролю кніжніцы ў жыцці мясцовага насельніцтва. Кожны другі жыхар пасёлка наведвае бібліятэку. Тут можна не толькі пагартаць часопісы ці газеты, узяць літаратуру на дом, але і папрацаваць на камп’ютары, адсканаваць і раздрукаваць неабходную інфармацыю. А яшчэ бібліятэка – гэта месца для стасункаў, куды людзі прыходзяць падзяліцца радасцю і бядой, параіцца, абмеркаваць надзённыя праблемы.
У рамках акцыі “Чытанне – прастора інфармацыі і ведаў” Раман Матульскі перадаў Высокаўскай сельскай бібліятэцы камплект літаратуры для папаўнення яе фондаў.
Матэрыял прадстаўлены навукова-даследчым аддзелам бібліятэказнаўства.
