ГалоўнаяНавіныНавіны Нацыянальнай бібліятэкі Беларусі
“Ад прадзедаў спакон вякоў мне засталася спадчына”: літаратурная гульня да Дня паэзіі
Кнігі – у падарунак сельскай бібліятэцы пасёлка Высокае

Пінск – культурная сталіца Беларусі 2019 года

Пінск – культурная сталіца Беларусі 2019 года
Іншыя навіны

Асобае месца сярод многіх беларускіх гарадоў з багатым гістарычным мінулым займае Пінск. Ён лічыцца своеасаблівай сталіцай беларускага Палесся.

Гораду над ракой Пінай ёсць пра што расказаць і ёсць што паказаць сваім гасцям. Ён цікавы турыстам з Беларусі і іншых краін і ўсім, хто ведае і любіць еўрапейскую гісторыю, архітэктуру і культуру. Цэнтрам прыцягнення з’яўляюцца архітэктурныя помнікі і старадаўнія храмы розных часоў.

Горад вядомы сваімі знакамітымі ўраджэнцамі. У Пінску нарадзіліся амерыканскі эканаміст, лаўрэат Нобелеўскай прэміі па эканоміцы С. Кузнец, публіцыст і паэт Р. Капусцінскі, архітэктар І. Жалтоўскі, беларускі праваслаўны дзеяч Л. Карповіч. Некаторы час тут жылі канцлер Вялікага Княства Літоўскага Альбрэхт Радзівіл, пісьменнік А. Блок, паэт і гісторык А. Нарушэвіч, прэм’ер-міністр Ізраіля Г. Меір. У Пінскім рэальным вучылішчы вучыўся першы прэзідэнт Ізраіля Х. Вейцман. У 1912–1915 гг. у прыходскім вучылішчы выкладаў Якуб Колас.

У сувязі з атрыманнем горадам ганаровага статусу культурнай сталіцы Беларусі – 2019 на працягу года запланавана правядзенне каля 400 рэспубліканскіх і рэгіянальных творчых праектаў, акцый, форумаў, якія дапамогуць раскрыць культурную самабытнасць Пінска і разнастайнасць мясцовых традыцый. Ладзяцца фестывалі арганнай і духоўнай музыкі, бардаўскай песні, міжнародны фестываль духавых аркестраў. Летам пройдуць адроджаны фестываль самадзейнай творчасці “Світанкі над Пінай” і фестываль вулічнай творчасці “Скрыжаванне” ў рамках доўгатэрміновага праекта “Пінская пешаходка”. Плануецца правесці бібліятэчны літаратурны марафон і абласны конкурс малюнка “Архітэктурная спадчына Пінска”. На асабліва значных помніках даўніны з’явіцца міжнароднае абазначэнне гэтых аб’ектаў – QR-код. Музей Беларускага Палесся падрыхтуе серыю выставак “Таямніцы пінскай зямлі”. Для аматараў сцэнічнага мастацтва адбудуцца тэатральныя дні на Піншчыне. Актывізуецца экскурсійная, канцэртная і выставачная дзейнасць.

У бюлетэні “Новыя кнігі: па старонках беларускага друку” (№ 3, 2019) прадстаўлены дадатак пра ўзнікненне, развіццё Пінска, перыяд яго найвышэйшага росквіту, а таксама цяжкія часы заняпаду і вялікіх страт, пра архітэктурныя асаблівасці, багатую культурную спадчыну горада.

Інфармацыю пра Пінск можна таксама знайсці ў фактаграфічнай базе даных “Беларусь у асобах і падзеях”.

У якасці ілюстрацый выкарыстаны фотаздымкі блогера darriuss і ролік NikitaProject BLR.

Матэрыял прадастаўлены навукова-даследчым аддзелам бібліяграфіі.


Навіны

30 Май 2020

1928 год. У часопiсе “Узвышша” з’яўляецца новая паэтычная публiкацыя. Над адным з вершаў стаiць прысвячэнне “Р.М.”, а гучыць верш зусiм не ў духу эпохi: гэта любоўная лiрыка…

Навіны бібліятэк

Беларускі бэстселер 1920-х: аповесць Міхася Зарэцкага “Голы звер”

28 Май 2020

Міхась Зарэцкі, паводле ягоных уласных успамінаў,распачаў свае літаратурныя спробы пасля яркага ўражання ад незвычайнага сну. Надалей, атрымліваючы ўсё болей і болей жыццёвага ды пісьменніцкага досведу, ён адтачыў сваё майстэрства на кароткай прозе. І аповесць “Голы звер” (1926) стала як бы лагічным працягам творчага і асобаснага сталення пісьменніка.

Блог прафесійнага чытача

111