24 снежня ў канферэнц-зале адбыўся навагодні інтэрактыўна-рэактыўны тэатралізаваны спектакль “Магія навагодняй ночы” для дзяцей супрацоўнікаў Нацыянальнай бібліятэкі Беларусі і дзяцей сацыяльна-педагагічнага цэнтра з прытулкам Першамайскага раёна г. Мінска.
Чароўную атмасферу на працягу ўсяго спектакля стваралі казачныя персанажы. Маленькія гледачы з галавой акунуліся ў падарожжа, поўнае цікавых прыгод і таямнічых сустрэч, і даведаліся, што дабрыня, смеласць і сапраўдная дружба пераадолеюць любыя выпрабаванні і цяжкасці.
Сапраўднага чараўніцтва дзеці чакалі цэлы год, таму з вялікім задавальненнем удзельнічалі ў забаўляльна-гульнявой праграме, перамагалі ў конкурсах і вадзілі карагоды. Асабліва парадаваў галоўны зімовы чараўнік – Дзед Мароз, які традыцыйна запаліў яркія гірлянды і падарыў дзецям навагоднія падарункі!
Матэрыял пададзены аддзелам сувязей з грамадскасцю.