20 лістапада ў Барысаўскай цэнтральнай раённай бібліятэцы імя І.Х. Каладзеева адбылася VIII Міжнародная навукова-практычная канферэнцыя “Каладзееўскія чытанні”.
Традыцыйна арганізатарамі сталі Барысаўская цэнтральная раённая бібліятэка імя І.Х. Каладзеева і Барысаўскі раённы выканаўчы камітэт.
Канферэнцыя прымеркавана да 210-годдзя падзей вайны 1812 г. У сувязі з гэтым праграма мерапрыемстваў была асабліва насычанай. Сярод удзельнікаў – беларускія гісторыкі, навукоўцы, краязнаўцы, супрацоўнікі бібліятэк і прадстаўнікоў сферы адукацыі, а таксама госці з Расійскай Федэрацыі.
Галоўны бібліёграф навукова-даследчага аддзела кнігазнаўства Нацыянальнай бібліятэкі Беларусі Галіна Кірэева таксама ўзяла ўдзел з дакладам “Вайна 1812 г. у рукапісных кнігах XIX стагоддзя ў фондзе Нацыянальнай бібліятэкі Беларусі”.
Увазе ўдзельнікаў былі прадстаўлены шматлікія выставы, прэзентацыі і тэматычныя экскурсіі.
Матэрыял пададзены навукова-даследчым аддзелам кнігазнаўства.